ବିରାଟଙ୍କ ଏହି ରେକର୍ଡ ଭାଙ୍ଗିଲେ ସୂର୍ଯ୍ୟକୁମାର ଯାଦବ

ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆର ଧୂଆଁଧାର ବ୍ୟାଟ୍ସମ୍ୟାନ ତଥା ଶ୍ରୀଲଙ୍କା ବିପକ୍ଷ ଟି-୨୦ ସିରିଜର ଅଧିନାୟକ ସୂର୍ଯ୍ୟକୁମାର ଯାଦବ ଏକ ନୂଆ କିର୍ତ୍ତୀମାନ ସ୍ଥାପନ କରିଛନ୍ତି । ସୂର୍ଯ୍ୟ କୁମାର ଯାଦବ ଶ୍ରୀଲଙ୍କା ବିପକ୍ଷ ପ୍ରଥମ ଟି-୨୦ରେ ୨୬ ବଲରୁ ୫୮ ରନର ପାଳି ଖେଳିଛନ୍ତି । ଭାରତ ପ୍ରଥମ ମ୍ୟାଚରୁ ବିଜୟ ଅଭିଯାନ ଆରମ୍ଭ କରିଛି । ଦଳ ଜିତିବା ସହ ସୂର୍ଯ୍ୟ ମଧ୍ୟ ରେକର୍ଡ କରିଛନ୍ତି । ତେବେ ଏହି ମ୍ୟାଚରେ ସେ ବିରାଟ କୋହଲି ବିଶ୍ବ ରେକର୍ଡର ସମକକ୍ଷ ହୋଇଛନ୍ତି । ବିରାଟ କୋହଲି ୧୬ଥର ଟି-୨୦ରେ ପ୍ଲେୟାର ଅଫ ଦ ମ୍ୟାଚ ବିବେଚିତ ହୋଇଛନ୍ତି । ତେବେ ବିରାଟଙ୍କଠାରୁ ୫୬ଟି ମ୍ୟାଚ କମ ଖେଳି ମଧ୍ୟ ସୂର୍ଯ୍ୟକୁମାର ଏହି ରେକର୍ଡ ଅର୍ଜନ କରିଛନ୍ତି । ସୂର୍ଯ୍ୟ ୬୯ ଟି-୨୦ ମ୍ୟାଚ ଖେଳି ଏହି ରେକର୍ଡର ଅଧିକାରୀ ବନିଛନ୍ତି । ସେପଟେ ଏହି ରେସରେ ଜିମ୍ବାଓ୍ବେର ସିକନ୍ଦର ରଜ୍ଜା ୯୧ଟି ମ୍ୟାଚରେ ୧୫ଥର ପ୍ଲେୟାର ଅଫ ଦ ମ୍ୟାଚ ବିବେଚିତ ହୋଇଛନ୍ତି । ସେପଟେ ଆଫଗାନିସ୍ତାନର ଖେଳାଳି ମହମ୍ମଦ ନବୀ ୧୪ଥର ପ୍ଲେୟାର ଅଫ ଦ ମ୍ୟାଚ ବିବେଚିତ ହୋଇଛନ୍ତି ।