IPL ୨୦୨୨: ଗୁଜୁରାଟର ବିଜୟରେ ବ୍ରେକ ଲଗାଇଲା ହାଇଦ୍ରାବାଦ

ମୁମ୍ବାଇ: ଚଳିତ ଇଣ୍ଡିଆନ ପ୍ରିମିୟର ଲିଗରେ ଗତକାଲି ଖେଳାଯାଇଥିବା ମ୍ୟାଚରେ ବିଜୟ ଲାଭ କରିଛି ସନରାଇଜର୍ସ ହାଇଦ୍ରାବାଦ । ଗୁଜୁରାଯ ଟାଇଟନ୍ସର ବିଜୟ ଧାରା ଉପରେ ବ୍ରେକ୍ ଲଗାଇଛି ସନରାଇଜର୍ସ ହାଇଦ୍ରାବାଦ । ଗତକାଲି ଆଇପିଏଲରେ ୨୧ ତମ ମ୍ୟାଚରେ ମୁହାଁମୁହିଁ ହୋଇଥିଲେ ସନରାଇଜର୍ସ ହାଇଦ୍ରାବାଦ ଓ ଗୁଜୁରାଟ ଟାଇଟନ୍ସ । ଏହି ମ୍ୟାଚରେ ଟସ୍ ହାରି ବ୍ୟାଟିଂ କରିଥିଲା ଗୁଜୁରାଟ ଟାଇଟନ୍ସ । ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ଓଭରରେ ଗୁଜୁରାଟ ୭ ଓ୍ୱିକେଟ ବିନିମୟରେ ୧୬୨ ରନ କରିଥିଲା । ଗୁଜୁରାଟ ପକ୍ଷରୁ ଅଧିନାୟକ ହାର୍ଦ୍ଦିକ ପାଣ୍ଡ୍ୟା ୫୦ ରନ କରିଥିବାବେଳେ ଅଭିନବ ମନୋହର ୩୫ ରନ କରିଥିଲେ । ହାଇଦ୍ରାବାଦ ପକ୍ଷରୁ ଭୁବନେଶ୍ୱର କୁମାର ଓ ଟି ନଟରାଜନ ଦୁଇଟି ଲେଖାଏଁ ଓ୍ୱିକେଟ ଅକ୍ତିଆର କରିଥିଲେ ।

Kane Williamson is the Player of the Match for his match winning knock of 57 off 46 deliveries.

Scorecard – https://t.co/phXicAbLCE #SRHvGT #TATAIPL pic.twitter.com/5NKiEv7XVw

— IndianPremierLeague (@IPL) April 11, 2022

୧୬୩ ରନର ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ସନରାଇରଜର୍ସ ହାଇଦ୍ରାବାଦ ୫ଟି ବଲ ବାକି ଥାଇ ଏହି ବିଜୟ ଲାଭ କରିଥିଲା । ହାଇଦ୍ରାବାଦ ପକ୍ଷରୁ ଅଧିନାୟକ କେନ୍ ଓ୍ୱିଲିୟମସନ ୫୭ ରନ, ଅଭିଶେକ ଶର୍ମା ୪୨ ରନ ଓ ନିକୋଲାସ ପୁରନ ୩୫ ରନ କରିଥିଲେ । ଏହି ବିଜୟ ସହ ହାଇଦ୍ରାବାଦ ଗୁଜୁରାଟ ଟାଇଟନ୍ସର ବିଜୟ ଧାରା ଉପରେ ବ୍ରେକ ଲଗାଇଛି ।