ବିଜେପି ଛାଡି ବିଜେଡିରେ ସାମିଲ ହେଲେ ସୁନ୍ଦରଗଡ଼ ଜିଲ୍ଲା ବିଜେପି ଉପ ସଭାପତି ବସନ୍ତ ସାହୁ

ସୁନ୍ଦରଗଡ଼: ସୁନ୍ଦରଗଡ଼ରେ ମଉଳୁଛି ପଦ୍ମ । ବିଜେପି ଛାଡି ବିଜେଡିରେ ସାମିଲ ହୋଇଛନ୍ତି ସୁନ୍ଦରଗଡ଼ ଜିଲ୍ଲା ବିଜେପି ଉପ ସଭାପତି ବସନ୍ତ ସାହୁ । ମୁଖ୍ୟମନ୍ତ୍ରୀଙ୍କ ସ୍ବଚ୍ଛ ଭାବମୂର୍ତ୍ତୀ ଓ ସୁନ୍ଦରଗଡ଼ରେ ଜାରିଥିବା ବିକାଶ ଧାରାରେ ମୋହିତ ହୋଇ ସେ ବିଜେଡିକୁ ବାଛିଥିବା କହିଛନ୍ତି । ସେପଟେ କଂଗ୍ରେସ ନେତା ତଥା ଲେଫ୍ରିପଡ଼ା ବ୍ଲକର ପୂର୍ବତନ ଅଧ୍ୟକ୍ଷ ନରେଶ ପ୍ରତାପ ସିଂ ମଧ୍ୟ ବିଜେଡିରେ ସାମିଲ ହୋଇଛନ୍ତି । ସୁନ୍ଦରଗଡ଼ ଜିଲ୍ଲା ବିଜେଡି ପର୍ଯ୍ୟବେକ୍ଷକ ପ୍ରୀତିରଞ୍ଜନ ଘଡ଼ାଇ ଉପସ୍ଥିତ ରହି ସମସ୍ତଙ୍କୁ ଦଳକୁ ସ୍ବାଗତ କରିଥିଲେ ।