ଚୌଦ୍ୱାରରେ ପଞ୍ଚାୟତ ସମ୍ପ୍ରସାରଣ ଅଧିକାରୀଙ୍କ ଆତ୍ମହତ୍ଯା

କଟକ: ଟାଙ୍ଗୀ ଚୌଦ୍ୱାରରେ ପଞ୍ଚାୟତ ସମ୍ପ୍ରସାରଣ ଅଧିକାରୀଙ୍କ ଆତ୍ମହତ୍ଯା । ମୃତକ ହେଲେ ଗଦାଧର ଗୁରୁ । ସେ ଟାଙ୍ଗୀ ଚୌଦ୍ୱାର ବ୍ଲକରେ କାର୍ଯ୍ୟରତ ଥିଲେ । ପଞ୍ଚାୟତରେ ବିଭିନ୍ନ କାମକୁ ନେଇ ଉପରିସ୍ଥ ଅଧିକାରୀ ଗଦାଧରଙ୍କୁ ପୂର୍ବରୁ ଦାଗିଦ କରିଥିଲେ । ପରିବାର ଲୋକଙ୍କ କହିବା ଅନୁସାରେ କିଛିଦିନ ହେବ ସେ ମାନସିକ ଚାପରେ ରହିଥିଲେ । ବୁଧବାରଠୁ ଘରକୁ ଫେରିନଥିଲେ ଗଦାଧର । ଏନେଇ ପରିବାର ଲୋକ ଟାଙ୍ଗୀ ଥାନାରେ ଅଭିଯୋଗ କରିଥିଲେ।

ପରେ ବିଳମ୍ବିତ ରାତିରେ ଶଙ୍କରପୁର ଜଙ୍ଗଲ ନିକଟରୁ ତାଙ୍କର ମୃତଦେହ ଉଦ୍ଧାର ହୋଇଥିଲା । ତେବେ ପ୍ରକୃତରେ କେଉଁ କାରଣ ପାଇଁ ସେ ଆତ୍ମହତ୍ଯା କରିଛନ୍ତି ତାହା ଅସ୍ପଷ୍ଟ ରହିଛି । ଉପରିସ୍ଥ ଅଧିକାରୀଙ୍କ ଚାପ ନା ଆତ୍ମହତ୍ଯା ପଛରେ ଆଉକିଛି କାରଣ ରହିଛି ସେନେଇ ପୋଲିସ ତଦନ୍ତ କରୁଛି ।