ଟ୍ରେନରେ ବିଷ ପିଇ ମାଆଝିଅଙ୍କ ଆତ୍ମହତ୍ୟା ଉଦ୍ୟମ

ପିପିଲି: ଟ୍ରେନରେ ମାଆଝିଅଙ୍କ ଆତ୍ମହତ୍ଯା ଉଦ୍ଯମ । ମୟୂରଭଞ୍ଜରୁ ପୁରୀ ଯାଉଥିବା ଟ୍ରେନରେ ବିଷ ପିଇଲେ ମାଆ ଓ ଝିଅ । ଉଭୟଙ୍କୁ ଗୁରୁତର ଅବସ୍ଥାରେ ପ୍ରଥମେ ଡେଲାଙ୍ଗ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ସ୍ବାସ୍ଥ୍ୟାବସ୍ଥା ଗୁରୁତର ହେବାରୁ ଭୁବନେଶ୍ବରକୁ ସ୍ଥାନାନ୍ତର କରାଯାଇଛି । ସେମାନଙ୍କ ଘର ମୟୂରଭଞ୍ଜ ଯଶିପୁର ବ୍ଲକ ମୌଜି ଗାଁରେ ହୋଇଥିବା ସୂଚନା ମିଳିଛି ।

ଖବର ଅନୁସାରେ, ରାଜୁ ମଣ୍ଡଳଙ୍କ ପରିବାର ପୁରୀ ଅଭିମୁଖେ ଯାତ୍ରା କରୁଥିବା ବେଳେ କୌଣସି ଘଟଣାକୁ ନେଇ ପ୍ରଥମେ ଝିଅ ଓ ପରେ ମାଆ ବିଷ ପିଇ ଦେଇଥିଲେ । ଏନେଇ ଯାତ୍ରୀମାନେ ଜାଣିବା ପରେ ସେମାନଙ୍କୁ କଣାସ ରୋଡ୍ ଷ୍ଟେସନରେ ଓହ୍ଲାଇ ଦେଇଥିଲେ । ସ୍ଥାନୀୟ ଲୋକେ ଉଭୟଙ୍କୁ ଡେଲାଙ୍ଗ ଡାକ୍ତରଖାନାରେ ଭର୍ତ୍ତି କରିଥିଲେ ।