ବାଲିରେ ବିଶ୍ୱର ବୃହତମ ରଥ ନିର୍ମାଣ କଲେ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ

ପୁରୀ: ରଥଯାତ୍ରା ଅବସରରେ ବାଲୁକା କଳାରେ ବିଶ୍ବର ବୃହତ୍ତମ ରଥ ନିର୍ମାଣ । ପୁରୀ ବେଳାଭୂମିରେ ଏହାକୁ ନିର୍ମାଣ କରିଛନ୍ତି ଅନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ଏହି ବାଲୁକା ରଥର ଉଚ୍ଚତା ୪୩ ଫୁଟ ଥିବାଳେ ଓସାର ୩୫ ଫୁଟ ରହିଛି । ଏହାକୁ ନିର୍ମାଣ କରିବାକୁ ପ୍ରାୟ ୮ ଘଣ୍ଟା ସମୟ ଲାଗିଥିବା କହିଛନ୍ତି ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ।

ଏହାକୁ ସେ ବିଶ୍ୱ ରେକର୍ଡରେ ସ୍ଥାନ ପାଇବା ପାଇଁ ସେ ଆଶା ରଖିଛନ୍ତି । ବିଗତ ବର୍ଷ ପରି ଏଥର ବିନା ଭକ୍ତରେ ରଥଯାତ୍ରା କରିବାକୁ ସରକାର ନିଷ୍ପତ୍ତି ନେଇଥିବାରୁ ଘରେ ରହି ସମସ୍ତେ ଗଣମାଧ୍ୟମ ଜରିଆରେ ମହାପ୍ରଭୁଙ୍କ ରଥ ଦେଖିବାକୁ ନିବେଦନ କରିଛନ୍ତି ।