ୟୁଟ୍ୟୁବ୍ ଓ ଗୁଗୁଲରୁ ଶିକ୍ଷାଲାଭ କରି ପ୍ରଶାସନିକ ପରୀକ୍ଷାରେ ହେଲେ କୃତକାର୍ଯ୍ୟ
1 min read
ଗୁଣୁପୁର: ଲକ୍ଷ୍ୟ ବଡ଼ ଥିଲେ ବାଟ ଓଗାଳି ପାରେନି ସମସ୍ୟା । ଦୃଢ଼ ମନୋବଳ ଥିଲେ ମିଳିଥାଏ ସଫଳତା । କୋଚିଂ ନୁହଁ ସୋସିଆଲ ମିଡ଼ିଆରୁ ବି ଲାଭ କରିହୁଏ ଶିକ୍ଷା । ଏହାକୁ ପ୍ରମାଣିତ କରି ଓପିଏସସି ପରୀକ୍ଷାରେ ୩୬୨ ନମ୍ବର ରାଙ୍କ ରଖି କୃତକାର୍ଯ୍ୟ ହୋଇଛନ୍ତି ରାୟଗଡ଼ା ଜିଲ୍ଲା ଗୁଣପୁର ଚାଲକାମ୍ବା ଗାଁର ଜାହ୍ନବୀ ଶବର । ଗରିବ ଜାହ୍ନବୀଙ୍କ ଶିକ୍ଷା ଜୀବନରେ ଠିଆ ହୋଇଥିଲା ଅନେକ ସମସ୍ୟା । କୋଚିଂ ନେବାକୁ ସମ୍ବଳ ନଥିବାରୁ ଜାହ୍ନବୀ ଗୁଗୁଲ ଏବଂ ୟୁଟ୍ୟୁବରୁ ଶିକ୍ଷା ଲାଭ କରି ହାସଲ କରିଛନ୍ତି ସଫଳତା । ଜୁଲାଇ ୨୦ ତାରିଖରେ ସେ ଗୁଣୁପୁର ଠାରେ ସହକାରୀ ଏଗ୍ରିକଲଚର ଅଫିସର ଭାବେ ପ୍ରଥମ କରି ଚାକିରି ପାଇଥିଲେ। ବର୍ତ୍ତମାନ ପୁଣି ସେ ଓପିଏସସି ପରୀକ୍ଷାରେ ସଫଳତା ହାସଲ କରିଛନ୍ତି ।
ଧୈର୍ଯ୍ୟ ଓ ଏକାଗ୍ରତା ଥିଲେ ଦୂର ନୁହଁ ଲକ୍ଷ୍ୟ ହାସଲ । କୋରାପୁଟ ପାଇଁ ଗୌରବ ପାଲଟିଛନ୍ତି ସୌରଭ । ଓଡ଼ିଶା ସିଭିଲି ସର୍ଭିସ ପରୀକ୍ଷାରେ ୩୪୬ ରାଙ୍କ ରଖି କୃତକାର୍ଯ୍ୟ ହୋଇଛନ୍ତି ସୌରଭ ଖିଲ । ନିଷ୍ଠାପର ଉଦ୍ୟମ ଓ କଠିନ ପରିଶ୍ରମ ଯୋଗୁଁ ଏହି ସଫଳତା ପାଇଛନ୍ତି ସୌରଭ । କୋଟିଆ ଓ କୋରାପୁଟର ଜୈବ ବିବିଧତା ଓ ତା’ର ସୁରକ୍ଷା ଚିନ୍ତାରେ ଅଛନ୍ତି ସୌରଭ । କୃଷି ବିଶ୍ବ ବିଦ୍ୟାଳୟରୁ ଏମଏସଜି କରିଛନ୍ତି ସେ । ଆଗକୁ ସେ ଭାରତୀୟ ପ୍ରଶାସନିକ ସେବା ପରୀକ୍ଷା ଦେଇ IFS ଅଧିକାରୀ ହେବା ପାଇଁ ଲକ୍ଷ୍ୟ ରଖିଛନ୍ତି ।
