ଜିଲ୍ଲାପାଳଙ୍କୁ ହଷ୍ଟେଲ ଅବ୍ୟବସ୍ଥା ଜଣାଇବାକୁ ୩୦ କିମି ଚାଲିଚାଲି ଯାଉଛନ୍ତି ଛାତ୍ରୀ

କଳାହାଣ୍ଡି: ସ୍କୁଲ ହଷ୍ଟେଲରେ ଅବ୍ୟବସ୍ଥା ସମ୍ପର୍କରେ ଜଣାଇବାକୁ ୩୦ କିଲୋମିଟର ଚାଲିଚାଲି ଜିଲ୍ଲାପାଳଙ୍କ କାର୍ଯ୍ଯାଳୟକୁ ବାହାରିଛନ୍ତି ଛାତ୍ରୀ । ଏଭଳି ଘଟଣା ଦେଖିବାକୁ ମିଳିଛି ଥୁଆମୂଳ ରାମପୁର ବ୍ଲକ କିଆପଦର ସ୍କୁଲରେ ।

ସୂଚନା ଅନୁସାରେ କିଆପଦ ସ୍କୁଲର ଛାତ୍ରୀ ନିବାସରେ ଆବଶ୍ୟକ ସାମଗ୍ରୀ ନ ଯୋଗାଇବା ସହ ମଧ୍ଯାହ୍ନ ଭୋଜନରେ ଅନିୟମିତତା କାରଣରୁ ପ୍ରାୟ ୧୦୦ ଜଣ ପିଲା ୩୦ କିଲୋମିଟର ପଦଯାତ୍ରାରେ ବାହାରିଛନ୍ତି । କିଆପଦର ସ୍କୁଲରୁ ବାହାରି ଦୀର୍ଘ ୩୦ କିଲୋମିଟର ପାଦରେ ଚାଲି ଚାଲି ଜିଲ୍ଲାପାଳଙ୍କ ନିକଟରେ ଅଭିଯୋଗ ଦାଖଲ କରିବାକୁ ବାହାରିଛନ୍ତି । ଅଧାବାଟରେ ଜିଲ୍ଲା ଶିକ୍ଷା ଅଧିକାରୀ, ବ୍ଲକ ଶିକ୍ଷା ଅଧିକାରୀ ଛାତ୍ରୀମାନଙ୍କୁ ଅନେକ ବୁଝାଶୁଝା କରିବା ପରେ ମଧ୍ଯ ଛାତ୍ରୀମାନେ ସେମାନଙ୍କ ଜିଦରେ ଅଟଳ ରହିଛି ।