ପ୍ରଶାସନର ଉଚ୍ଛେଦକୁ ବିରୋଧ, ଧାରଣାରେ ବସିଲେ ଉଠା ଦୋକାନୀ

ନୂଆପଡ଼ା: ଉଠା ଦୋକାନ ଉଚ୍ଛେଦକୁ ବିରୋଧ କରି ରାସ୍ତାରୋକ । ନୂଆପଡ଼ା ଜିଲ୍ଲା ଖଡ଼ିଆଳ ସହର ଦେଇ ଯାଇଥିବା ୩୫୩ ନମ୍ବର ଜାତୀୟ ରାଜପଥ ପୁରୁଣା ବସଷ୍ଟାଣ୍ଡରୁ ପ୍ରଶାସନର ଜବରଦଖଲ ଉଚ୍ଛେଦକୁ ବିରୋଧ । ଉଚ୍ଛେଦକୁ ବିରୋଧ କରି ଉଠା ଦୋକାନୀ ଧାରଣାରେ ବସିଛନ୍ତି । ଜାତୀୟ ରାଜପଥ କାର୍ଯ୍ୟ ବିଳମ୍ବ ଓ ପୁରୁଣା ବସଷ୍ଟାଣ୍ଡରେ ଇନଡୋର ଷ୍ଟାଡିୟମ ନିର୍ମାଣ ପାଇଁ ଉପ ଜିଲ୍ଲାପାଳଙ୍କ ନେତୃତ୍ୱରେ ଉଚ୍ଛେଦ କରାଯାଉଥିଲା ।

ଯାହାକୁ ବିରୋଧ କରିଛନ୍ତି ଉଠାଦୋକାନୀ । ଉଚ୍ଛେଦ ଯୋଗୁ କ୍ଷତିଗ୍ରସ୍ତ ଉଠା ଦୋକାନୀ ପ୍ରଥମେ ଥଇଥାନ କରିବାକୁ ଦାବି କରିଛନ୍ତି । କ୍ଷତିପୂରଣ ଦାବିରେ ଉଠା ଦୋକାନୀ ଖଡ଼ିଆଳ ଥାନା ନିକଟରେ ୩୫୩ ନମ୍ବର ଜାତୀୟ ରାଜପଥକୁ ଅବରୋଧ କରିଛନ୍ତି । ଫଳରେ ଉକ୍ତ ରାସ୍ତାରେ ଗାଡ଼ି ଚଳାଚଳ ଠପ୍ ହୋଇ ପଡ଼ିଥିବା ବେଳେ ପୋଲିସ ଆନ୍ଦୋଳନକାରୀଙ୍କ ସହ ଆଲୋଚନା କରୁଛି ।