ଭିଡିଓ କନଫରେନ୍ସିଂ ମାଧ୍ୟମରେ ବସିବ ରାଜ୍ୟ କ୍ୟାବିନେଟ୍ ବୈଠକ, ଘରେ ବସି ଯୋଗଦେବେ ମନ୍ତ୍ରୀ
ଭୁବନେଶ୍ୱର: କରୋନା ମୁକାବିଲା ପାଇଁ ସାମାଜିକ ଦୂରତ୍ୱକୁ ଦିଆଯାଉଛି ଗୁରୁତ୍ୱ । ସରକାର ସାମାଜିକ ଦୂରତା ରକ୍ଷା ପାଇଁ ସମସ୍ତଙ୍କୁ ସଚେତନ କରୁଛନ୍ତି । ସଂକ୍ରମଣ ଏଡ଼ାଇବାକୁ ଜରୁରୀକାଳୀନ ଅନୁଷ୍ଠାନ ବ୍ୟତୀତ ଅନ୍ୟ ସବୁ ବନ୍ଦ ରହିଛି । ମହାମାରୀ କରୋନା କାୟା ବିସ୍ତାର କରି ଚାଲିଥିବା ବେଳେ ଆସନ୍ତା ୯ ତାରିଖ ଗୁରୁବାର ବସିବାକୁ ଯାଉଛି ରାଜ୍ୟ କ୍ୟାବିନେଟ୍ ବୈଠକ ।
ଗୁରୁବାର ବସିବାକୁ ଥିବା ବୈଠକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅଧ୍ୟକ୍ଷତା କରିବେଷ ଏହି ବୈଠକ ସକାଳ ୧୦ଟା ୪୫ରେ ବସିବ ବୋଲି ଜଣାପଡ଼ିଛି । ମହାମାରୀ କରୋନାକୁ ଦୃଷ୍ଟିରୁ ଏହି ବୈଠକ ଅଧିକ ଗୁରୁତ୍ୱ ବହନ କରୁଛି । ବୈଠକରେ ସ୍ୱାସ୍ଥ୍ୟ ବିଭାଗର କେତେକ ଗୁରୁତ୍ୱପୂର୍ଣ୍ଣ ପ୍ରସ୍ତାବ ଉପରେ କ୍ୟାବିନେଟ୍ ମୋହର ମାରିପାରେ ।
କେନ୍ଦ୍ରର ମୋଦି ସରକାରଙ୍କ ମଧ୍ୟ ସାମାଜିକ ଦୂରତା ରଖି ବୈଠକ କରିବା ସହ ଭିଡିଓ କନଫରେନ୍ସି ଜରିଆରେ ମନ୍ତ୍ରୀ ଓ ଅଧିକାରୀଙ୍କ ସହ ଆଲୋଚନା କରୁଛନ୍ତି ।
