ଶ୍ରୀଲଙ୍କାରେ ହା ହାକାର: ଅଧିକାଂଶ ମେଡିସିନ ଦୋକାନରେ ନାହିଁ ମେଡିସିନ୍

କଲମ୍ବୋ: ସଂକଟ ଜର୍ଜରିତ ଶ୍ରୀଲଙ୍କାରେ ସୁଧୁରୁନି ସ୍ଥିତି । ଦେଶରେ ଖାଦ୍ୟାଭାବ, ଇନ୍ଧନ, ମେଡିସିନର ଘୋର ଅଭାବ ଜାରି ରହିଛି । ବିଭିନ୍ନ ସ୍ଥାନରେ ଜାରି ରହିଛି ଆନ୍ଦୋଳନ । ଶ୍ରୀଲଙ୍କାର ବିରୋଧୀ ଦଳ ସାଂସଦ ହର୍ଷ ଡି ସିଲଭା କହିଛନ୍ତି ଭାରତରେ ଯେପରି ୧୯୯୧ରେ ଅବସ୍ଥା ସୃଷ୍ଟି ହୋଇଥିଲା ବର୍ତ୍ତମାନ ଶ୍ରୀଲଙ୍କାରେ ସେହି ଅବସ୍ଥା ଜାରି ରହିଛି । ସମାଗି ଜନ ବଲଓ୍ବେଗା ବା ଏସଜେବିର ସାଂସଦ କହିଛନ୍ତି ଦେଶର ଅବସ୍ଥା ଦିନକୁ ଦିନ ଅଧିକ ଘନୀଭୂତ ହେବାରେ ଲାଗିଛି ।

ତେବେ ତତକାଳୀନ ଅର୍ଥମନ୍ତ୍ରୀ ମନମୋହନ ସିଂଙ୍କ ଭୂମିକା ଯୋଗୁ ଏହି ସ୍ଥିତିର ସମାଧାନ ହୋଇଥିଲା ବୋଲି ସେ କହିଛନ୍ତି । ସେପଟେ ଦେଶରେ ଅର୍ଥନୈତିକ ସଂକଟ ମଧ୍ୟରେ ଫାର୍ମାସ୍ୟୁଟିକାଲ ଶିଳ୍ପ ଗଭୀର ପ୍ରଭାବିତ ହୋଇଛି । ଅଧିକାଂଶ ଦୋକାନରେ ମେଡିସିନ ନଥିବା ଯୋଗୁ ଲୋକେ ନାହିଁ ନଥିବା ସମସ୍ୟା ଭୋଗୁଛନ୍ତି । ତେଣେ ହୋଟେଲ ଶିଳ୍ପ ବି ବ୍ୟାପକ ଭାବେ ପ୍ରଭାବିତ ହୋଇଛି ।  ଶତାଧିକ ହୋଟେଲ, ମଲ, ରେଷ୍ଟୁରାଣ୍ଟ ଖାଲି ପଡିଛି । ଏପରିକି ଅତୀତରେ ଜନଗହଳିପୂର୍ଣ୍ଣ ରହୁଥିବା ସମୁଦ୍ର ଉପକୂଳ ବି ଖାଁ ଖାଁ ରହିଛି ।