ରୋନାଲ୍ଡୋଙ୍କ ପର୍ତ୍ତୁଗାଲକୁ ହରାଇଲା ଦକ୍ଷିଣ କୋରିଆ

କତାର: ଫୁଟବଲ୍ ବିଶ୍ୱକପରେ ଶୁକ୍ରବାର ବଡ଼ ଓଲଟପାଲଟ ଦେଖିବାକୁ ମିଳିଛି । ବିଶ୍ୱର ୯ ନମ୍ବର ରାଙ୍କିଂରେ ଥିବା କ୍ରୀଷ୍ଟିଆନୋ ରୋନାଲ୍ଡୋଙ୍କ ପର୍ତ୍ତୁଗାଲକୁ ୨୮ ରାଙ୍କର ଦକ୍ଷିଣ କୋରିଆ ପରାଜିତ କରିଛି । ଗ୍ରୁପ ଏଚରେ ପର୍ତ୍ତୁଗାଲକୁ କୋରିଆ ୨-୧ରେ ପରାଜିତ କରିଛି । ଏହି ବିଜୟ ସହ କୋରିଆର ତିନି ମ୍ୟାଚରେ ଚାରି ଅଙ୍କ ସହିତ ଗ୍ରୁପର ଦ୍ୱିତୀୟ ସ୍ଥାନରେ ରହିଛି ଦଳ । ସେହିପରି ପର୍ତ୍ତୁଗାଲ ତିନୋଟି ମ୍ୟାଚରୁ ୬ ଅଙ୍କ ସହ ଗ୍ରୁପର ଶୀର୍ଷରେ ରହିଛି । ଆଜିର ମ୍ୟାଚ ଦକ୍ଷିଣ କୋରିଆ ପାଇଁ ଗୁରୁତ୍ୱପୂର୍ଣ୍ଣ ଥିଲା । ଯଦି ପରାଜିତ ହୋଇଥାନ୍ତା ତେବେ ନକଆଉଟ୍ ରେ ରେସରୁ ବାଦ୍ ପଡ଼ିଥାନ୍ତା । କୋରିଆ ଟିମ୍ ୨୦୧୦ ପରେ ପ୍ରଥମଥର ଶେଷ-୧୬ରେ ପହଞ୍ଚିଛି ।