ବାପାଙ୍କ ଶବ ସତ୍କାର ବେଳେ ଶବ ହୋଇଗଲା ପୁଅ

ଜୟପୁର : ଏମିତି ବି ଆସେ ମୃତ୍ୟୁ । ଗୋଟିଏ ଦିନରେ ଚାଲିଗଲା ବାପା ପୁଅଙ୍କ ଜୀବନ । ପ୍ରଥମେ ବାପାଙ୍କର ମୃତ୍ୟୁ ହେବାରୁ ଶେଷକୃତ୍ୟ ପାଇଁ ପ୍ରସ୍ତୁତ ହେଉଥିଲେ ପୁଅ । ହେଲେ ଗଛ ଡାଳ ପଡ଼ିଯିବାରୁ ପୁଅର ହୋଇଛି ମୃତ୍ୟୁ । ଜୟପୁର ବୋରିଗୁମ୍ମା ବ୍ଲକ କାମତା ଗାଁରେ ଘଟିଛି ଏଭଳି ହୃଦୟ ବିଦାରକ ଘଟଣା । କାମତା ଗାଁର ଲକ୍ଷ୍ମଣ ମଣ୍ଡଳଙ୍କର କୋରାପୁଟରେ ମୃତ୍ୟୁ ହୋଇଥିଲା ।

ତାଙ୍କ ଶବକୁ ଶେଷକୃତ୍ୟ ପାଇଁ ନିଜ ଗାଁ କାମତା ଅଣାଯାଇଥିଲା । ବାପା ଲକ୍ଷ୍ମଣଙ୍କର ଶେଷକୃତ୍ୟ କାର୍ଯ୍ୟରେ ଲାଗି ପଡ଼ିଥିଲେ ପୁଅ ବେଣୁଧର । ହେଲେ ଏହି ସମୟରେ ପୁଅ ବେଣୁଧର ମଣ୍ଡଳଙ୍କ ଉପରେ ଏକ ବିଶାଳ ଗଛର ଡାଳ ପଡି ଯାଇଥିଲା । ଫଳରେ ବେଣୁଧରଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା । ଏହି ଘଟଣାକୁ ନେଇ ପରିବାର ଲୋକ ଭାଙ୍ଗି ପଡିଛନ୍ତି । କାନ୍ଦ ବୋବାଳିରେ ଫାଟି ଯାଉଛି ପୂରା ଗାଁ ।