ପେଟ୍ରୋଲ୍ ଢାଳି ସ୍ବାମୀ-ସ୍ତ୍ରୀକୁ ନିଆଁ ଲଗାଇଦେଲେ ଦୁର୍ବୁର୍ତ୍ତ

କେନ୍ଦୁଝର: ସ୍ବାମୀ-ସ୍ତ୍ରୀଙ୍କ ଉପରେ ପେଟ୍ରୋଲ୍ ଢାଳି ନିଆଁ ଲଗାଇ ହତ୍ୟା ଉଦ୍ୟମ । କେନ୍ଦୁଝର ଜିଲ୍ଲା ହରିଚନ୍ଦନପୁର ଥାନା ଧଗୋଠ ଗାଁରେ ଏଭଳି ଘଟଣା ଘଟିଛି । ଦମ୍ପତି ଘରେ ଶୋଇଥିବା ବେଳେ ବାହାର ପଟୁ ତାଲା ପକାଇ ଘରେ ନିଆଁ ଲଗାଇଥିଲେ ଦୁର୍ବୃତ୍ତ । ନିଆଁରେ ପୋଡ଼ି ହୋଇ ସ୍ବାମୀ ଓ ସ୍ତ୍ରୀ ଗୁରୁତର ହୋଇପଡ଼ିଛନ୍ତି । ଉଭୟଙ୍କୁ ଗୁରୁତର ଅବସ୍ଥାରେ କଟକ ମେଡିକାଲରେ ଭର୍ତ୍ତି କରାଯାଇଛି ।

ଗୁରୁତର ଦମ୍ପତି ହେଲେ ଧଗୋଠ ଗାଁର ଉଗ୍ରସେନ ପଲେଇ ଓ ତାଙ୍କ ସ୍ତ୍ରୀ ଜୟନ୍ତୀ । ଗତକାଲି ରାତିରେ ଏହି ଘଟଣା ଘଟିଛି । ଚିତ୍କାର ଶୁଣି ପଡ଼ୋଶୀ ଆସିବା ବେଳକୁ ଗୁରୁତର ହୋଇଯାଇଥିଲେ ସ୍ବାମୀ -ସ୍ତ୍ରୀ । ଉଭୟଙ୍କୁ ପ୍ରଥମେ ହରିଚନ୍ଦନପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ପରେ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି । ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।