ଚାଲିଗଲା ପୁଣି ୬ ଜୀବନ, କରୋନା ସଂକ୍ରମିତ ମୃତ୍ୟୁ ସଂଖ୍ୟା ୧୧୪କୁ ବୃଦ୍ଧି…

ଭୁବନେଶ୍ୱର:  ରାଜ୍ୟରେ ଆଜି ୬ଜଣ କୋଭିଡ୍ ରୋଗୀଙ୍କର ମୃତ୍ୟୁ ଘଟିଛି । ରାଜ୍ୟ ସରକାର କୋଭିଡ ମୁକାବିଲା ନେଇ ଆପ୍ରାଣ ଉଦ୍ୟମ କରୁଥିଲେ ମଧ୍ୟ ସଂକ୍ରମିତଙ୍କ ମଧ୍ୟରେ  ମୃତ୍ୟୁ ସଂଖ୍ୟା ଆଜିକାର ମୃତକଙ୍କୁ ମିଶାଇ ୧୧୪ରେ ପହଞ୍ଚି ସାରିଛି । ତେବେ ଆଜି ମୃତ୍ୟୁବରଣ କରିଥିବା ୬ଜଣ ରୋଗୀଙ୍କ ମଧ୍ୟରୁ ଜଣେ ଖୋର୍ଦ୍ଧା ଜିଲ୍ଲାର ହୋଇଥିବା ବେଳେ ଅନ୍ୟ ସମସ୍ତେ ଗଞ୍ଜାମ ଜିଲ୍ଲାର ଅଟନ୍ତି । ଗଞ୍ଜାମ ଜିଲ୍ଲାର ହାଇପର ଟେନସନ ରୋଗରେ ଆକ୍ରାନ୍ତ ଥିବା ୪୧ ବର୍ଷୀୟ ଜଣେ ବ୍ୟକ୍ତି କରୋନା ଭୂତାଣୁ ସଂକ୍ରମଣ ଆସିବା ପରେ ମୃତ୍ୟୁବରଣ କରିଛନ୍ତି ।

ସେହିଭଳି ଅନ୍ୟମାନଙ୍କ ମଧ୍ୟରେ ହାଇପରଟେନସର ଶୀକାର ଥିବା ୬୩ ବର୍ଷୀୟ ଜଣେ ପୁରୁଷ, ମଧୁମେହ ରୋଗରେ ପୀଡିତ ଥିବା ୫୧ ବର୍ଷୀୟ ମହିଳା, ୬୯ ବର୍ଷୀୟ ପୁରୁଷ ଓ ୫୭ ବର୍ଷର ଜଣେ ପୁରୁଷଙ୍କର ମୃତ୍ୟୁ ହୋଇଛି । ତେବେ ଖୋର୍ଦ୍ଧା ଜିଲ୍ଲାର କରୋନା କବଳରେ ପଡି ଜୀୱନ ହରାଇଥିବା ବ୍ୟକ୍ତିଜଣଙ୍କର ବୟସ ହେଉଛି ୮୬ । ସେ ଜଣେ ମହିଳା । ସଂକ୍ରମଣର ଶୀକାର ହେବା ପୂର୍ବରୁ ସେ ମଧୁମେହ ରୋଗରେ ପୀଡିତ ଥିଲେ । ଉଲ୍ଲେଖଯୋଗ୍ୟ ଯେ ରାଜ୍ୟରେ ଜୁଲାଇ ମାସରେ ସଂକ୍ରମିତଙ୍କ ସଂଖ୍ୟା ବଢିଥିବା ବେଳେ କୋଭିଡଜନିତ ମୃତ୍ୟୁ ମଧ୍ୟ ବଢୁଛି । ରାଜ୍ୟ ସରକାର ମୃତ୍ୟୁ ସଂଖ୍ୟା ଉପରେ ରୋକ୍ ଲଗାଇବା ପାଇଁ ପ୍ଲାଜମା ଥେରାପି ଆରମ୍ଭ କରି ସାରିଛନ୍ତି ।