ଆଜିଠାରୁ ସମ୍ୱଲପୁରରେ ଦୁଇ ଦିନିଆ ସଟ୍ଡାଉନ୍
ସମ୍ୱଲପୁର: ଉପାନ୍ତରୁ ଉପକୂଳ, ସୁବଠି କରୋନା ସଂକ୍ରମଣ ରୋକିବାକୁ ବ୍ୟାପକ ପଦକ୍ଷେପ । ଆଜିଠାରୁ ସମ୍ବଲପୁରରେ ଦ୍ୱିତୀୟ ପର୍ଯ୍ୟାୟ ସଟଡାଉନ୍ । ସଂକ୍ରମଣ ରୋକିବା ପାଇଁ ଗତକାଲି ପ୍ରଥମ ପର୍ଯ୍ୟାୟ ସଟଡାଉନ ସରିବା ପରେ ଆଜିଠାରୁ ଦ୍ୱିତୀୟ ପର୍ଯ୍ୟାୟ ଆରମ୍ଭ ହେବ । ଦ୍ୱିତୀୟ ପର୍ଯ୍ୟାୟରେ କିନ୍ତୁ କୋହଳ ରହିବ ନିୟମ । ସକାକୁ ଗୋଟାଏ ପର୍ଯ୍ୟନ୍ତ ପରିବା ଦୋକନ ଓ ଗ୍ରୋସରୀ ଦୋକାନ୍ ଖୋଲାରହିବ ।
ସେପଟେ ଗତକାଲିଠାରୁ ଜୟପୁର ସହରରେ ୪ ଦିନ ପାଇଁ ପଡିଛି ତାଲା । ୨୮ ତାରିଖ ଯାଏଁ ଜିଲ୍ଲା ସମ୍ପୂର୍ଣ୍ଣ ସଟଡାଉନ । ଅତି ଆବଶ୍ୟକ ନଥିଲେ ଘରୁ ନବାହାରିବାକୁ କହିଛି ପ୍ରଶାସନ । ତେବ ସଟଡାଉନ୍ ସମୟରେ ସମସ୍ତଙ୍କ ଘର ଘର ବୁଲି ସ୍ୱାସ୍ଥ୍ୟ ଟିମ୍ ସର୍ଭେ କରିବ । ଲକ୍ଷଣ ଥିବା ବ୍ୟକ୍ତିଙ୍କ ସ୍ୱାବ୍ ପରୀକ୍ଷା କରାଯିବ ବୋଲି କହିଛନ୍ତି କୋରାପୁଟ ଜିଲ୍ଲାପାଳ । ସେହିପରି କରୋନା ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି କଳାହାଣ୍ଡିରେ କଡ଼ା କଟକଣା । ଜିଲ୍ଲାକୁ ଦୁଇଦିନିଆ ସଟଡାଉନ ଘୋଷଣା କରିଛନ୍ତି ଜିଲ୍ଲାପାଳ । ଶନିବାର ଓ ରବିବାର ଦୁଇଦିନ ଧରି ଜିଲ୍ଲା ସଟଡାଉନ ରହିଛି ।
