କାଲି ପୁଣି ଖୋଲିବ ରତ୍ନଭଣ୍ଡାର; ସ୍ଥାନାନ୍ତର ହେବ ଖାଲି ଆଲମିରା ଓ ସିନ୍ଦୁକ, ଦିନ ଗୋଟାଏ ପରେ ଦର୍ଶନ ବନ୍ଦ
ପୁରୀ: ଆସନ୍ତାକାଲି ପୁଣି ଥରେ ଖୋଲିବ ଶ୍ରୀମନ୍ଦିର ରତ୍ନଭଣ୍ଡାର । ଏହା ମଧ୍ଯରେ ଥିବା ଖାଲି ସିନ୍ଦୁକ ଓ ଆଲମିରାକୁ କରାଯିବ ସ୍ଥାନାନ୍ତରଣ । ଏଥିପାଇଁ ଦିନ ଗୋଟାଏ ପରଠୁ ସର୍ବସାଧାରଣ ପାଇଁ ବନ୍ଦ ରହିବ ଶ୍ରୀଜିଉଙ୍କ ଦର୍ଶନ ।
ଏହି ସମୟରେ ମହାପ୍ରସାଦ ପାଇଁ ଭକ୍ତମାନେ ସିଂହଦ୍ୱାର ଦେଇ ଆନନ୍ଦ ବଜାରକୁ ଯାଇପାରିବେ । ଭିତର ବେଢାରେ ଥିବା ପାର୍ଶ୍ୱ ଦେବାଦେବୀଙ୍କ ମନ୍ଦିର ଖୋଲା ରହିବା ସହ କେବଳ ପାଳିଆ ସେବକ ସେବାକାର୍ଯ୍ୟ ପାଇଁ ନିୟୋଜିତ ରହିବେ ।
ସେହିପରି ସ୍ଥାନାନ୍ତରଣ ପକ୍ରିୟାରେ ନିୟୋଜିତ ପାଧିକୃତ ବ୍ୟକ୍ତିମାନଙ୍କ ବ୍ୟତୀତ ଅନ୍ୟ କାହାରିକୁ ପ୍ରବେଶ ଅନୁମତି ଦିଆଯିବ ନାହିଁ । ଏନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ଦିଆଯିବା ସହ ସ୍ୱତନ୍ତ୍ର ନୀତି ନିର୍ଘଣ୍ଟ କରାଯାଇଛି ।
