ଅଭିଷେକ ଏବଂ ଐଶ୍ୱର୍ଯ୍ୟାଙ୍କ ବିବାହ ମିଠା ଫେରାଇଦେଇଥିଲେ ଏହି ସୁପରଷ୍ଟାର, ଜାଣନ୍ତୁ କାରଣ ..

ନନ୍ଦିଘୋଷ ବ୍ୟୁରୋ: ଅଭିଷେକ ଏବଂ ଐଶ୍ୱର୍ଯ୍ୟାଙ୍କ ବିବାହ ମିଠା ଫେରାଇଦେଇଥିଲେ ଏହି ସୁପରଷ୍ଟାର । ବିବାହକୁ ତାଙ୍କୁ ନିମନ୍ତ୍ରଣ ମିଳିନଥିବାରୁ ସେ ରାଗିକି ମିଠା ଫେରେଇଦେଇଥିଲେ । ଅଭିଷେକ ଏବଂ ଐଶ୍ୱର୍ଯ୍ୟା ‘ଗୁରୁ’ ଫିଲ୍ମର ସୁଟିଂ ସମୟରେ ପ୍ରେମରେ ପଡ଼ିବା ପରେ ବିବାହ ବନ୍ଧନରେ ବାନ୍ଧି ହୋଇଥିଲେ । ସେମାନଙ୍କର ବିବାହ ମଧ୍ୟ ଏକ ବ୍ୟକ୍ତିଗତ ଉତ୍ସବ ଥିଲା, ଯେଉଁଥିରେ କେବଳ କିଛି ବଛା ବଛା ଲୋକ ଆସିଥିଲେ । କିନ୍ତୁ ତାଙ୍କ ବିବାହରେ ଅମିତାଭ ବଚ୍ଚନ ଜଣେ ସୁପରଷ୍ଟାରଙ୍କୁ ନିମନ୍ତ୍ରଣ କରିନଥିଲେ, ଯାହା ଫଳରେ ସେ ରାଗିଯାଇଥିଲେ ଏବଂ ତାଙ୍କ ବିବାହ ମିଠାକୁ ମଧ୍ୟ ଫେରାଇ ଦେଇଥିଲେ । ସେହି ସୁପରଷ୍ଟାର ଜଣକ ଆଉ କେହି ନୁହେଁ ଅମିତାଭ ବଚ୍ଚନଙ୍କ ପୁରୁଣା ବନ୍ଧୁ ଥିଲେ । ବହୁ କାଳରୁ ଅମିତାଭ ବଚ୍ଚନ ଏବଂ ଶତ୍ରୁଘ୍ନ ସିହ୍ନା ବହୁତ ଭଲ ବନ୍ଧୁ ଥିଲେ । ଦୁହେଁ  ସିନେମା ଜଗତରେ ଏକାଠି ସଂଘର୍ଷ କରିଛନ୍ତି ଏବଂ ନିଜ ନିଜ ଲକ୍ଷ୍ୟସ୍ଥଳରେ ପହଞ୍ଚିଛନ୍ତି । କିନ୍ତୁ ସେମାନଙ୍କ ଭଲ ବନ୍ଧୁତା ସତ୍ତ୍ୱେ, ଅମିତାଭ ଅଭିଷେକ-ଐଶ୍ୱର୍ଯ୍ୟାଙ୍କ ବିବାହକୁ ଅମିତାଭ ଶତ୍ରୁଘ୍ନଙ୍କୁ ନିମନ୍ତ୍ରଣ କରିନଥିଲେ, ଯାହା କାରଣରୁ ସେ ବହୁତ ରାଗିଯାଇଥିଲେ । ବିବାହକୁ ନିମନ୍ତ୍ରିତ ହୋଇନଥିବାରୁ ସେ ତାଙ୍କର ବିବାହ ମିଠା ଫେରାଇଦେଇଥିଲେ ।

ଶତ୍ରୁଘ୍ନ ସିହ୍ନା ମିଠା ଫେରାଇ ଦେଇଥିଲେ

ଶତ୍ରୁଘ୍ନ ସିହ୍ନା ଏହି ଅସନ୍ତୋଷକୁ ଖୋଲାଖୋଲି ଭାବରେ ପ୍ରକାଶ କରିଥିଲେ। ମିଡ୍ ଡେ ସହିତ ଏକ ସାକ୍ଷାତକାର ସମୟରେ ଶତ୍ରୁଘ୍ନ ସିହ୍ନାଙ୍କୁ ଏ ବିଷୟରେ ପଚରାଯିବାରୁ ସେ କହିଥିଲେ, “ଅମିତାଭ ବଚ୍ଚନ କହିଥିଲେ ଯେ ବିବାହକୁ ନିମନ୍ତ୍ରିତ ହୋଇନଥିବା ଲୋକମାନେ ତାଙ୍କର ବନ୍ଧୁ ନୁହନ୍ତି । ତେବେ ତୁମେ ଯେତେବେଳେ ମୋତେ ନିମନ୍ତ୍ରଣ କରିନାହଁ ଏବଂ ମୁଁ ତୁମର ବନ୍ଧୁ ନୁହେଁ , ତେବେ ମିଠା କାହିଁକି ? ଏବଂ ମୁଁ ମିଠା ଗ୍ରହଣ କରି ସେମାନଙ୍କୁ ଲଜ୍ଜିତ କରିବାକୁ ଚାହୁଁନଥିଲି । ମୁଁ ଆଶା କରିଥିଲି ଯେ ମିଠା ପଠାଇବା ପୂର୍ବରୁ ଅମିତାଭ କିମ୍ବା ତାଙ୍କ ପରିବାରର କେହି ସଦସ୍ୟ ଥରେ ଫୋନ୍ କରିବେ। କିନ୍ତୁ ଯେତେବେଳେ କେହି ଫୋନ କଲେନି, ତେବେ ମିଠାର ଅର୍ଥ କ’ଣ ?” ଶତ୍ରୁଘ୍ନ ସିହ୍ନା ସେତେବେଳେ ବହୁତ ରାଗିଥିଲେ ଏବଂ ହୁଏତ ତାଙ୍କର ଏହି ମାମଲାରେ ରାଗିବା ସ୍ୱାଭାବିକ ଥିଲା।

ଅଭିଷେକଙ୍କ ବିବାହରେ କାହିଁକି କମ୍ ଲୋକଙ୍କୁ ନିମନ୍ତ୍ରଣ କରାଯାଇଥିଲା ?

ଯେତେବେଳେ ଅଭିଷେକ ବଚ୍ଚନ ‘କଫି ୱିଥ୍ କରଣ’ରେ ଆସିଥିଲେ, ତାଙ୍କୁ ମଧ୍ୟ ଏହି ପ୍ରଶ୍ନ ପଚରାଯାଇଥିଲା। ଏହା ଉପରେ ଅଭିଷେକ କହିଥିଲେ, “ବିବାହ ସମୟରେ ତାଙ୍କ ଜେଜେମା ତେଜି ବଚ୍ଚନ ଅସୁସ୍ଥ ଥିଲେ ଏବଂ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ସେଥିପାଇଁ କମ୍ ଲୋକଙ୍କୁ ନିମନ୍ତ୍ରଣ କୀରଯାଇଥିଲା । ଯଦିଓ ପରେ ସମସ୍ତଙ୍କ ଘରକୁ ଆଶୀର୍ବାଦ ନେବା ପାଇଁ ମିଠା ପହଞ୍ଚାଇ ଦିଆଯାଇଥିଲା, କିନ୍ତୁ ଶତ୍ରୁଘ୍ନ ଅଙ୍କଲ ମିଠା ଫେରାଇ ଦେଇଥିଲେ। ଆମେ ସେତେବେଳେ ଏହାକୁ ଗ୍ରହଣ କରିଥିଲୁ କାରଣ ତୁମେ ସମସ୍ତଙ୍କୁ ଖୁସି କରିପାରିବ ନାହିଁ। ସେ ଜଣେ ବହୁତ ମହାନ ବ୍ୟକ୍ତି ଏବଂ ତାଙ୍କର ଅସନ୍ତୋଷ ପ୍ରକାଶ କରିବାର ସମ୍ପୂର୍ଣ୍ଣ ଅଧିକାର ଅଛି।”