ବନ୍ଧୁକ ଦେଖାଇ ଲୁଟିନେଲେ ୭ ଲକ୍ଷ ଟଙ୍କା, ବିପୁଳ ସୁନା ଅଳଙ୍କାର

ରାୟଗଡ଼ା: ବନ୍ଧୁକ ମୁନରେ ଲୁଟିନେଲେ ନଗଦ ୭ ଲକ୍ଷ ଟଙ୍କା ଓ ସୁନା ଅଳଙ୍କାର । ଜଣେ ବ୍ୟବସାୟୀଙ୍କ ଠାରୁ ଲୁଟିନେଇଛନ୍ତି ଲୁଟେରା  । ମିଳିଥିବା ସୂଚନା ମୁତାବକ ସୁନାର ମୁଲ୍ୟ ପାଖାପାଖି ୫୦ ଲକ୍ଷ ଟଙ୍କ ହେବ ବୋଲି ଅନୁମାନ କରାଯାଉଛି । ରାୟଗଡା ଜିଲ୍ଲା ଓଡ଼ିଶା ଓ ଆନ୍ଧ୍ର ସୀମାନ୍ତ ଜେମାଦେଇପେଣ୍ଠରେ ଘଟିଛି ଏଭଳି ଘଟଣା ।

ସୁନା ବ୍ୟବସାୟୀ ବାଲାଜୀ କାଲି ଟଙ୍କା ଆଦାୟ ପାଇଁ ତାଙ୍କ ସହଯୋଗୀଙ୍କ ସହ ସ୍କୁଟିରେ ଯାଉଥିବା ବେଳେ ପେଟ୍ରୋଲ ପମ୍ପରେ ତେଲ ପକାଇ ଫେରୁଥିଲେ । ସେହି ସମୟରେ ବୁଲେଟରେ ୨ ଜଣ ଦୁର୍ବୁତ୍ତ ମୁଖା ପିନ୍ଧି ଆସି ସ୍କୁଟିକୁ ପ୍ରଥମେ ଧକ୍କା ଦେଇଥିଲେ । ପରେ ବ୍ୟବସାୟୀଙ୍କ ମୁଣ୍ଡରେ ଏକ ବନ୍ଧୁକ ଲଗାଇ ଟଙ୍କା ବ୍ୟାଗ ଓ ସୁନା ଲୁଟି ନେଇଥିଲେ । ଥାନାରେ ଏନେଇ ବ୍ୟବସାୟୀ ଜଣଙ୍କ  ଅଭିଯୋଗ କରିଥିଲେ  ।  ଅଭିୟୋଗ ପାଇବା ପରେ ପୋଲିସ ତଦନ୍ତ ଜାରି ରଖିଛି  ।