ଅର୍ପଣ କରିବେ ୫୧ ଲିଟର କ୍ଷୀର, କୁମ୍ଭମେଳାକୁ ଯିବେ ସୀମାଙ୍କ ଭାଇ

ନନ୍ଦିଘୋଷ ବ୍ୟୁରୋ: ପ୍ରୟାଗରାଜରେ ମହାଆଡ଼ମ୍ବରେ ଚାଲିଛି କୁମ୍ଭମେଳା । କୋଟି କୋଟି ଭକ୍ତଙ୍କ ସମାଗମ ହେଉଛି । ଏଠାରେ ଚାଲିଥିବା କୁମ୍ଭମେଳାକୁ ଯିବେ ପାକିସ୍ତାନରୁ ଆସି ଭାରତର ବୋହୂ ହୋଇଥିବା ମହିଳା ସୀମା ହାଇଦରଙ୍କ ଭାଇ । ଯିଏ କି ୫୧ ଲିଟରର କ୍ଷୀର ଚଢ଼ାଇବେ । ତେବେ କହି ରଖୁଛୁ କି, ଏନେଇ ମାନସିକ କରିଥିଲେ ସୀମା । କିନ୍ତୁ ଏବେ ସେ ଗର୍ଭବତୀ ଥିବା କାରଣରୁ ପ୍ରୟାଗରାଜ ଯାଇ ପାରୁନାହାନ୍ତି । ଏପରିକି ସଚିନ ତାଙ୍କ ଯତ୍ନ ନେଉଥିବାରୁ ଉଭୟ ଗ୍ରେଟର ନୋଏଡ଼ାରେ ରହିଛନ୍ତି । କିନ୍ତୁ ସେମାନଙ୍କ ପାଇଁ ଏହି କ୍ଷୀର ନେଇ ଯିବେ ସୀମାଙ୍କ ଭାଇ । ତେବେ ସୀମା ଭାଇଭାବେ ମାନିଥିବା ଆଇନଜୀବୀ ଏପି ସିଂ ଯିବେ । ମଙ୍ଗଳବାର ଏହୀ କ୍ଷୀର ଅର୍ପଣ କରାଯିବ ବୋଲି କୁହାଯାଇଛି ।

ତେବେ କହି ରଖୁଛୁ କି, ୨୦୨୩ ମହିହାରେ ନେପାଳ ଦେଇ ପାକିସ୍ତାନରୁ ଭାରତକୁ ଆସିଥିଲେ ସୀମା ହାଇଦର । ପବଜୀ ଖେଳରୁ ସେମାନଙ୍କ ପ୍ରେମ ହୋଇଥିବାବେଳେ ସୀମା ଡେଇଁ ଭାରତକୁ ପଳାଇ ଆସିଛନ୍ତି ସୀମା । ସୀମା ଡେଇଁ ଆସିଥିବା ସୀମା ଏବେ ନିଜର ଧର୍ମ ପରିବର୍ତ୍ତନ କରିଥିବାବେଳେ ସ୍ବାମୀଙ୍କ ସହ ବେଶ ଖୁସିରେ ରହିଛନ୍ତି ।