ଦୁଷ୍କର୍ମ ମାମଲା: ପୂର୍ବତନ ବିଜେପି ସାଂସଦ ପ୍ରଜ୍ଵଲ ରେବନ୍ନାଙ୍କ ଜାମିନ ଖାରଜ

ନୂଆଦିଲ୍ଲୀ: ବିଜେପିର ପୂର୍ବତନ ସାଂସଦ ପ୍ରଜ୍ଵଳା ରେବନ୍ନାଙ୍କୁ ସୁପ୍ରିମକୋର୍ଟରୁ ଝଟକା । ଦୁଷ୍କର୍ମ ମାମଲାରେ କରିଥିବା ଜାମିନ୍ ଆବେଦନକୁ ଖାରଜ କରିଦେଇଛନ୍ତି ସୁପ୍ରିମକୋର୍ଟ । ଏକାଧିକ ମହିଳାଙ୍କ ସହ ଯୌନ ନିର୍ଯାତନା ମାମଲାରେ ପୂର୍ବତନ ସାଂସଦ ପ୍ରଜ୍ଵଲ ରେବନ୍ନାଙ୍କ ନାଁରେ ମାମଲା ଚାଲିଛି ।

ଚଳିତବର୍ଷ ଅନୁଷ୍ଠିତ ଲୋକସଭା ନିର୍ବାଚନରେ କର୍ଣ୍ଣାଟକର ଦ୍ଵିତୀୟ ପର୍ଯ୍ୟାୟ ମତଦାନର ଠିକ ପୂର୍ବରୁ ଗତ ଏପ୍ରିଲ୍ ମାସ ଆରମ୍ଭରେ ଏକ ଭିଡିଓ ଲିକ୍ ହୋଇଥିଲା । ଏହାପରେ ପ୍ରଜ୍ଵଲ ରେଭନ୍ନାଙ୍କର ନାମରେ ଯୌନ ନିର୍ଯାତନା ମାମଲା ସାମନାକୁ ଆସିଥିଲା । ରେବନ୍ନାଙ୍କର ପ୍ରତିନିଧିତ୍ୱ କରୁଥିବା ବରିଷ୍ଠ ଆଡଭୋକେଟ୍ ମୁକୁଲ ରୋହତଗୀ ଯୁକ୍ତି ବାଢ଼ିଛନ୍ତି ଯେ ଅଭିଯୋଗରେ ସିଧାସଳଖ ଧାରା ୩୭୬ ଦୁଷ୍କର୍ମ ଉଲ୍ଲେଖ କରାଯାଇ ନାହିଁ । କିନ୍ତୁ ଜଷ୍ଟିସ୍ ବେଲା ଏମ. ତ୍ରିବେଦୀ ଏବଂ ସତୀଶ ଚନ୍ଦ୍ର ଶର୍ମାଙ୍କ ନେତୃତ୍ୱରେ ଗଠିତ ବେଞ୍ଚ ତାଙ୍କ ବିରୋଧରେ ହୋଇଥିବା ଅଭିଯୋଗକୁ ଦର୍ଶାଇ ଜାମିନ ଆବେଦନକୁ ଖାରଜ କରିଦେଇଛନ୍ତି ।