ମାର୍ଗଶିର କୃଷ୍ଣ ଏକାଦଶୀ ଅବସରରେ ଶ୍ରୀମନ୍ଦିର ଉପରେ ହେଲା ସନ୍ଧ୍ୟା ଆଳତି

ପୁରୀ: ଶୁକ୍ରବାର ମାର୍ଗଶିର କୃଷ୍ଣ ଏକାଦଶୀ ତିଥିରେ ଶ୍ରୀମନ୍ଦିରରେ ପରମ୍ପରା ଅନୁସାରେ  ମହାପ୍ରଭୁଙ୍କ ସନ୍ଧ୍ୟା ଆଳତି ମନ୍ଦିର ଉପରେ ସମ୍ପନ୍ନ ହୋଇଛି । ଆଜି ସକାଳୁ ବିଧି ଅନୁସାରେ ସମସ୍ତ ଦୈନନ୍ଦିନ ନୀତି ସମ୍ପନ କରାଯାଇ ଦ୍ଵିତୀୟ ଭୋଗମଣ୍ଡପରେ ଦଖିଣି ଘର ଭୋଗ  ସମ୍ପର୍ଣ୍ଣ ହୋଇଥିଲା  । ପରେ ମହାପ୍ରଭୁଙ୍କ ମଇଲମ ହୋଇ ଶାଢ଼ୀ ଖଣ୍ଡୁଆ ଲାଗି ହୋଇଥିଲା  । ସନ୍ଧ୍ୟା ଆଳତି ପରେ ଠାକୁରଙ୍କର ସର୍ବାଙ୍ଗ ଚନ୍ଦନ  ଲାଗି ହୋଇଥିଲା । ପରେ ଅନ୍ୟାନ୍ୟ ବିଶେଷ ନୀତି ସମାପନ କରି ପୂଜାପଣ୍ଡା ସାମନ୍ତେ  କୋରା ଭୋଗ କଲା ପରେ ଆଳତି, ବନ୍ଦାପନା ନୀତି କରାଯାଇଥିଲା  । ସନ୍ଧ୍ୟା ଧୂପ ପରେ ମହାଦୀପ ଆଳତିକୁ ନେଇ  ତିନ ଜଣ ଚୁନାରା ସେବକ ଦଧିନଉତି ତଳେ ଠିଆହୋଇ ତୁଳସୀ,ଚନ୍ଦନ ନୀଳ- ଚକ୍ରଙ୍କୁ ଲାଗି କରି ଚାରି ପଟେ ତିନି ଘେରା ବୁଲିଥିଲେ  । ଶେଷରେ ମହାପ୍ରଭୁଙ୍କ ମଇଲମ ହୋଇ ଚନ୍ଦନଲାଗି, ବଡ଼ସିଂହାର ବେଶ, ପରେ ମହାପ୍ରଭୁଙ୍କ ରାତ୍ର ପହୁଡ଼ ଅନୁଷ୍ଠିତ ହୋଇଛି।