ମୌସୁମୀ ଅଧିବେଶନ ସରିବା ପର୍ଯ୍ୟନ୍ତ ସଂସଦ ବାହାରେ ବିକ୍ଷୋଭ କରିବେ କୃଷକ
ନୂଆଦିଲ୍ଲୀ: କେନ୍ଦ୍ରର ତିନି କୃଷି ଆଇନ୍ ବିରୋଧରେ ଶାଣିତ ହେବ ଆନ୍ଦୋଳନ । ମୌସୁମୀ ଅଧିବେଶନ ବେଳେ ସଂସଦ ବାହାରେ ଧାରଣା ଦେବେ କୃଷକ । ଏନେଇ ସଂଯୁକ୍ତ କିଷାନ ମୋର୍ଚ୍ଚା ଘୋଷଣା କରିଛି । ତିନି କୃଷି ଆଇନ୍ ବିରୋଧରେ ପ୍ରତିଦିନ ୨୦୦ କୃଷ ବିକ୍ଷୋଭ ପ୍ରଦର୍ଶନ କରିବେ । କୃଷି ଆଇନ୍ ବିରୋଧରେ ୪୦ରୁ ଅଧିକ କୃଷି ସଂଗଠନ, ସଂଯୁକ୍ତ କିଷାନ ମୋର୍ଚ୍ଚା ନେତୃତ୍ୱରେ ଗତ କିଛି ମାସ ହେଲା ପ୍ରଦର୍ଶନ ଜାରି ରଖିଛନ୍ତି । ସଂସଦର ଅଧିବେଶନ ଆରମ୍ଭର ଦୁଇ ଦିନ ପୂର୍ବରୁ ସମସ୍ତ ବିପକ୍ଷ ସାଂସଦଙ୍କୁ ସଂଯୁକ୍ତ କିଷାନ ମୋର୍ଚ୍ଚା ଏକ ଚେତାବନୀ ପତ୍ର ଦେବ ।
କୃଷକ ନେତା ଗଲବୀର ସିଂହ ରାଜୱାଲ କହିଛନ୍ତି, ୧୭ ଜୁଲାଇରେ ଆମେ ବିପକ୍ଷ ସାଂସଦଙ୍କୁ ସବୁଦିନ ଗୃହରେ ପ୍ରସଙ୍ଗ ଉଠାଇବା ପାଇଁ କହିବୁ । ଆମେ ସଂସଦ ବାହାରେ ଧାରଣାରେ ବସିବୁ । ସରକାର ପ୍ରସଙ୍ଗର ସମାଧାନ ନ କରିବା ଯାଏ ଗୃହ ଅଚଳ କରିବାକୁ ବିରୋଧୀଙ୍କୁ କହିବୁ ।
ସଂସଦର ମୌସୁମୀ ଅଧିବେଶନ ୧୯ ଜୁଲାଇରୁ ଆରମ୍ଭ ହେବାକୁ ଯାଉଛି । ରାଜୱାଲ କହିଛନ୍ତି, ‘ଯେବେ ଯାଏଁ ଆମ ଦାବି ନ ଶୁଣିବା ଯାଏଁ ଆମେ ସଂସଦ ବାହାରେ ଲଗାତାର ବିରୋଧ ପ୍ରଦର୍ଶନ କରିବୁ । ବିରୋଧ ପ୍ରଦର୍ଶନରେ ପ୍ରତି କୃଷକ ସଂଗଠନରୁ ୫ ଜଣ ଲେଖାଏଁ ସାମିଲ୍ ହେବେ । ସଂଯୁକ୍ତ କିଷାନ ମୋର୍ଚ୍ଚା ପେଟ୍ରୋଲ, ଡିଜେଲ୍ ଓ ଏଲପିଜି ସିଲିଣ୍ଡର ବର୍ଦ୍ଧିତ ଦରକୁ ନେଇ ଜୁଲାଇ ୮ରେ ଦେଶବ୍ୟାପୀ ବିରୋଧ ପ୍ରଦର୍ଶନ କରିବ । ଏଥିସହ’
