ବିଶ୍ୱ ସ୍ତରୀୟ ପ୍ରବନ୍ଧ ଲେଖା ପ୍ରତିଯୋଗିତାରେ ସାଇ ଶ୍ରୀୟା ପ୍ରଥମ

ଭୁବନେଶ୍ୱର: ବିଶ୍ୱ ସ୍ତରୀୟ ପ୍ରବନ୍ଧ ଲେଖା ପ୍ରତିଯୋଗିତାରେ ପ୍ରଥମ ହୋଇଛନ୍ତି ସାଇ ଶ୍ରୀୟା ସତପଥି । ଶଶାଙ୍କ ଶେଖର ସତପଥି ଓ ହରପ୍ରିୟାଙ୍କ ଝିଅ ହେଉଛନ୍ତି ସାଇ ଶ୍ରୀୟା । ବିଗତ ୪ ବର୍ଷ ହେଲା ଶଶାଙ୍କଙ୍କ ପରିବାର ୟୁଏଇରେ ରହି ଆସୁଛନ୍ତି । ହିନ୍ଦୀ ଭାଷାରେ ‘ଅତୁଲ୍ୟ ଭାରତ’ ଶୀର୍ଷକ ବିଶ୍ୱ ସ୍ତରୀୟ ପ୍ରବନ୍ଧ ପ୍ରତିଯୋଗିତାରେ ସାଇ ଶ୍ରୀୟା ପ୍ରଥମ ସ୍ଥାନ ଅଧିକାର କରିଛନ୍ତି ।

ସାଇ ଶ୍ରୀୟା ଷଷ୍ଠ ଶ୍ରେଣୀରେ ଇଣ୍ଡିଆ ଇଣ୍ଟରନ୍ୟାସନାଲ ସ୍କୁଲରେ ପଢ଼ନ୍ତି । ଏହି ପ୍ରତିଯୋଗିତାକୁ କନ୍ସୁଟେଟ୍ ଜେନେରାଲ୍ ଅଫ୍ ଇଣ୍ଡିଆ-ଦୁବାଇ ଆୟୋଜନ କରିଥିଲା । ପୂର୍ବରୁ ସାଇ ଶ୍ରୀୟା ଜାତୀୟ ସ୍ତରର ହସ୍ତକଳା ପ୍ରତିଯୋଗିତାରେ ଦୁଇ ଥର ସ୍ୱର୍ଣ୍ଣ ପଦକ ପାଇଛନ୍ତି ।