କାଲି ୧୨ ଜିଲ୍ଲାରେ ବାଜିବ ସାଇରନ୍

ନନ୍ଦିଘୋଷ ବ୍ୟୁରୋ: ପହଲଗାଓଁ ଘଟଣାକୁ ନେଇ ସାରା ଦେଶ ଚଳଚଞ୍ଚଳ ଥିବା ବେଳେ ଓଡ଼ିଶାରେ ମଧ୍ୟ ଆରମ୍ଭ ହୋଇଛି ତତ୍ପରତା । ଆସନ୍ତାକାଲି ମକ ଡ୍ରିଲ ନେଇ ରାଜ୍ଯ ଗୃହ ବିଭାଗର ଗୁରୁତ୍ବପୂର୍ଣ୍ଣ ବୈଠକ ଶେଷ ହୋଇଛି । ଏଥିରେ ଗୃହ ବିଭାଗ ସଚିବ, ଗୃହ ବିଭାଗ ଅତିରିକ୍ତ ସଚିବ, ଅଗ୍ନିଶମ ଡିଜିଙ୍କ ଅନ୍ୟ ବରିଷ୍ଠ ଅଧିକାରୀ ଉପସ୍ଥିତ ଥିଲେ । କାଲି ମକ ଡ୍ରିଲ ହେବାକୁ ଥିବା ଜିଲ୍ଲାକୁ ନେଇ ଏଥିରେ ଆଲୋଚନା ହୋଇଛି । ବାଲେଶ୍ୱର, କୋରାପୁଟ, ଭୁବନେଶ୍ୱର, ଗୋପାଳପୁର, ହୀରାକୁଦ, ପାରାଦ୍ୱୀପ, ରାଉରକେଲା, ଭଦ୍ରକ, ଢେଙ୍କାନାଳ, ଜଗତସିଂହପୁର, କେନ୍ଦ୍ରାପଡ଼ା ଓ ତାଳଚେର ମକ ଡ୍ରିଲ ହେବ । ଓଡିଶାର ଏହି ୧୨ ଟି ସ୍ଥାନରେ ହେବ ସିଭିଲ ଡିଫେନ୍ସ ମକ ଡ୍ରିଲ | ତାଳଚେର କ୍ଯାଟେଗୋରି-ୱାନ ଭାବେ ଚିହ୍ନଟ ହୋଇଥିବାବେଳେ, କ୍ଯାଟେଗୋରି-ଟୁରେ ବାଲେଶ୍ୱର, କୋରାପୁଟ, ଭୁବନେଶ୍ୱର, ଗୋପାଳପୁର, ହୀରାକୁଦ, ପାରାଦ୍ୱୀପ ଏବଂ ରାଉରକେଲା ଅଛନ୍ତି । ସେହିପରି କ୍ଯାଟେଗୋରି ଥ୍ରୀରେ ଅଛି ଭଦ୍ରକ, ଢେଙ୍କାନାଳ, ଜଗତସିଂପୁର, କେନ୍ଦ୍ରାପଡ଼ା ।