ଭୁବନେଶ୍ୱର: ଓଲିଉଡର ଚୁଲବୁଲି ନାୟିକା ଅର୍ଚ୍ଚିତାଙ୍କୁ ବାହା ହେଉଛନ୍ତି ଓଲଉଡ୍ ହିରୋ ସବ୍ୟସାଚୀ ମିଶ୍ର । ଆସନ୍ତାକାଲି ଉଭୟଙ୍କ ବାହାଘର ରାଜସ୍ଥାନରେ ହେବ । ଉଭୟଙ୍କ ବାହାଘର ନେଇ ୨ ସେଲିବ୍ରିଟି ସୋସିଆଲ୍ ମିଡିଆରେ ପୋଷ୍ଟ କରିବା ସହ ସମସ୍ତଙ୍କ ଆଶୀର୍ବାଦ ଲୋଡ଼ିଛନ୍ତି । ଅନେକ ଦିନ ଧରି ୨ ଜଣଙ୍କ ଆଫେୟାର୍ସକୁ ନେଇ ବେଶ୍ ଚର୍ଚ୍ଚା ଚାଲିଥିବା ବେଳେ ସୋମବାର ହେବାକୁ ଯାଉଛି ଶୁଭ ପରିଣୟ ।
ସବ୍ୟସାଚୀ-ଅର୍ଚ୍ଚିତା ଯୋଡ଼ି ଓଲିଉଡ୍ ଚଳଚ୍ଚିତ୍ର ‘ପିଲାଟା ବିଗିଡ଼ି ଗଲା’, ‘ସ୍ମାଇଲ୍ ପ୍ଲିଜ୍‘,‘ମୁଁ ଏକା ତୁମର‘,‘ମୁଁ ସ୍ୱପ୍ନର ସୌଦାଗର‘,‘ପାଗଳ କରିଛି ପାଉଁଞ୍ଜି ତୋର‘,‘କୋଉ ଦୁନିଆରୁ ଆସିଲ ବନ୍ଧୁ‘,‘ତୋର ମୋର ଯୋଡ଼ି ସୁନ୍ଦର‘,‘କେବେ ତୁମେ ନାହଁ କେବେ ମୁଁ ନାହିଁ’ ଚଳଚ୍ଚିତ୍ରରେ ଏକାଠି ନଜର ଆସିଛନ୍ତି ।
୨୦୧୩ରେ ସବ୍ୟସାଚୀଙ୍କ ଛାଡ଼ପତ୍ର ପରେ ଅର୍ଚ୍ଚିତାଙ୍କ ସହ ତାଙ୍କ ସମ୍ପର୍କକୁ ନେଇ ଚର୍ଚ୍ଚା ଜୋର୍ ଧରିଥିଲା । ଯାହାକୁ ଉଭୟ ସବ୍ୟସାଚୀ ଓ ଅର୍ଚ୍ଚିତା ଖଣ୍ଡନ କରିଥିଲେ । ସିଲଭର ସ୍କ୍ରିନରେ ଉଭୟଙ୍କ ରୋମାନ୍ସ ଦର୍ଶକ ଦେଖିଥିବା ବେଳେ ଏବେ ରିଅଲ ଲାଇଫରେ ପତିପତ୍ନୀ ହେବାକୁ ଯାଉଛନ୍ତି ସବ୍ୟ ଓ ଅର୍ଚ୍ଚିତା ।
