ଘରୋଇ ଇଞ୍ଜିନିୟରିଂ କଲେଜରୁ ୯୭ ଲକ୍ଷ ଟଙ୍କା ହଡ଼ପ୍ ଘଟଣା, ଝାଡ଼ଖଣ୍ଡରୁ ଅଭିଯୁକ୍ତ ପ୍ରେମିକକୁ ଗିରଫ କଲା ପୋଲିସ

ଭୁବନେଶ୍ୱର: ଭୁବନେଶ୍ୱର ଘରୋଇ ଇଞ୍ଜିନିୟରିଂ କଲେଜରୁ ୯୭ ଲକ୍ଷ ଟଙ୍କା ହଡ଼ପ ଘଟଣାରେ ତନାଘନା । ଅଭିଯୁକ୍ତ ପ୍ରେମିକ ବିକାଶ କୁମାରକୁ ଝାଡଖଣ୍ଡରୁ ଗିରଫ କରିଛି ତମାଣ୍ଡୋ ଥାନା ପୋଲିସ । ବିକାଶ କୁମାରଙ୍କୁ ଝାଡ଼ଖଣ୍ଡରୁ ଗିରଫ କରିବା ପରେ ଆଜି କୋର୍ଟ ଚାଲାଣ କରାଯିବ । ପୂର୍ବରୁ ବିକାଶଙ୍କ ପ୍ରେମିକାକୁ ଗିରଫ କରାଯାଇଥିଲା । କୋର୍ଟ ଚାଲାଣ ପରେ ବିକାଶ କୁମାରଙ୍କୁ ୫ ଦିନିବ ରିମାଣ୍ଡରେ ଆଣିବାକୁ ଆବେଦନ କରିବ ପୋଲିସ । ଯୁବତୀ ଜଣକ ସମ୍ପୃକ୍ତ ଇଞ୍ଜିନିୟରିଂ କଲେଜରେ ଆକାଉଣ୍ଟାଣ୍ଟ ଭାବେ କାମ କରନ୍ତି । ଟ୍ୟୁସନ ଓ ଆଡମିଶନ ଫି’ ଟଙ୍କାକୁ ବୟଫ୍ରେଣ୍ଡ ଆକାଉଣ୍ଟକୁ ଟ୍ରାନ୍ସଫର କରୁଥିଲେ ଯୁବତୀ । ଉଭୟଙ୍କୁ ରିମାଣ୍ଡରେ ନେଇ ମୁହାଁମୁହିଁ ଜେରା କରିବ ପୋଲିସ । ପ୍ରେମିକାଠାରୁ ଟଙ୍କା ନେଇ ଅନଲାଇନ୍ ଜୁଆରେ ବିନିଯୋଗ କରିଥିଲା ପ୍ରେମିକ ବିକାଶ କୁମାର । ୬୦ରୁ ୬୫ ଲକ୍ଷ ଟଙ୍କା ଅନଲାଇନ୍ ଜୁଆରେ ବିନିଯୋଗ କରିଥିଲା ବିକାଶ । ମଝିରେ ପ୍ରେମିକାକୁ ମାତ୍ର ୮୦ ହଜାର ଟଙ୍କା ଫେରାଇଥିଲା ବିକାଶ ।