ଆଘାତକୁ ନେଇ ନୀରବତା ଭାଙ୍ଗିଲେ ରୋହିତ ଶର୍ମା

ନୂଆଦିଲ୍ଲୀ: ଇଣ୍ଡିଆନ୍ କ୍ରିକେଟ ଟିମ୍ ଏବେ ଅଷ୍ଟ୍ରେଲିଆ ଗସ୍ତରେ ଅଛି । କିନ୍ତୁ, ଅଷ୍ଟ୍ରେଲିଆ ଗସ୍ତରେ ଟିମ୍ ଇଣ୍ଡିଆର ଷ୍ଟାର ଖେଳାଳି ରୋହିତ ଶର୍ମାଙ୍କ ଆଘାତ ବିବାଦର ପ୍ରସଙ୍ଗ ପାଲଟିଛି । ପୂର୍ବରୁ ରୋହିତ ଶର୍ମା ଅଷ୍ଟ୍ରେଲିଆ ଗସ୍ତ ପାଇଁ ଭାରତୀୟ ଦଳରେ ସ୍ଥାନ ପାଇନଥିଲେ । କିନ୍ତୁ, ପରେ ତାଙ୍କୁ ଟେଷ୍ଟ ଟିମ୍ ପାଇଁ ଚୟନ କରାଯାଇଥିଲା । ରୋହିତ ଶର୍ମା ତାଙ୍କ ଆଘାତକୁ ନେଇ ମୁହଁ ଖୋଲିଛନ୍ତି । କହିଛନ୍ତି- ଏହା କୌଣସି ଗମ୍ଭୀର ପ୍ରସଙ୍ଗ ନୁହେଁ ।

ରୋହିତ ଶର୍ମା କହିଛନ୍ତି- ତାଙ୍କୁ ମାଂସପେଶୀ ସମ୍ବନ୍ଧୀୟ ଯନ୍ତ୍ରଣାରୁ ମୁକ୍ତି ମିଳିନାହିଁ । ସେ ଜାଣିନାହାଁନ୍ତି କଣ ହେଉଛି । ଏବଂ ଲୋକ କାହା ବିଷୟରେ କଥା ହେଉଛନ୍ତି । ମୁଁ ନିୟମିତ ବିସିସିଆଇ ଓ ମୁମ୍ବାଇ ଇଣ୍ଡିଆନ୍ସ ସହିତ ସମ୍ପର୍କରେ ଅଛି ବୋଲି ସେ କହିଛନ୍ତି ।

ରୋହିତ ଶର୍ମା ଆଇପିଏଲ୍ ଫାଇନାଲରେ ୫୦ ବଲରେ ୬୮ ରନର ପାଳି ଖେଳିଥିଲେ । ରୋହିତ ଏବେ ଅଷ୍ଟ୍ରେଲିଆ ଯାଇନାହାଁନ୍ତି । ଏବେ ସେ ନ୍ୟାସନାଲ କ୍ରିକେଟ ଏକାଡେମୀରେ ନିଜ ଫିଟନେସ୍ ନେଇ କାମ କରୁଛନ୍ତି । ସେ କହିଛନ୍ତି- ମୁଁ ମୁମ୍ବାଇ ଇଣ୍ଡିଆନ୍ସ କହିଥିଲି, ଏହା ସର୍ଟ ଫର୍ମାଟ । ମୁଁ ଫିଲ୍ଡିଂ କରିପାରିବି । ମୁଁ ସେହି ସ୍ଥିତିକୁ ସମ୍ପୂର୍ଣ୍ଣ ଭାବେ ସମ୍ଭାଳି ପାରିଛି । ଏବେ ଯାହା ବି ଆବଶ୍ୟକ କରିବା ଲାଗି ପ୍ରସ୍ତୁତ ରହିଛି ।

ରୋହିତ ଶର୍ମା କହିଛନ୍ତି- ମାଂସପେଶୀ ଯନ୍ତ୍ରଣା ଠିକ୍ ହେବା ଦିଗରେ କାମ କରୁଛି । ମୋତେ ଟେଷ୍ଟ କ୍ରିକେଟ୍ ଖେଳିବାର ଅଛି । ଏଥିପାଇଁ କୌଣସି କମି ରଖିବାକୁ ଚାହୁଁନାହିଁ । ଏଥିପାଇଁ ମୁଁ ଏବେ ଏନସିଏରେ ପ୍ରାକ୍ଟିସ୍ କରୁଛି । ୧୦ ଦିନ ମଧ୍ୟରେ ସେ ଯନ୍ତ୍ରଣାରୁ ମୁକ୍ତି ପାଇଥିଲେ । ମୁଁ କହିଥିଲି- ଯଦି ଠିକ୍ ନହୁଏ ତ ପ୍ଲେ-ଅଫ୍ ଖେଳି ପାରିବିନାହିଁ । ମୁଁ ଠିକ୍ ହୋଇଯିବାରୁ ପ୍ଲେ-ଅଫ୍ ଓ ଫାଇନାଲରେ ଭାଗ ନେଇଥିଲି ।

ସୂଚନା ଯୋଗ୍ୟ, ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି ରୋହିତଙ୍କୁ ୭୦ ପ୍ରତିଶତ ଫିଟ୍ କହିବା ପରେ ବିବାଦ ଆରମ୍ଭ ହୋଇଥିଲା । ଆଶା ଡିସେମ୍ବର ୧୭ରୁ ଆରମ୍ଭ ହେବାକୁ ଥିବା ଟେଷ୍ଟ ସିରିଜ ପୂର୍ବରୁ ରୋହିତ ଶର୍ମା ଫିଟନେସ୍ ହାସଲ କରି ନେବେ ।