Sushant Singh Case: ରିୟା ଚକ୍ରବର୍ତ୍ତୀଙ୍କୁ ଇଡିର ସମନ, ଶୁକ୍ରବାର ହେବେ ହାଜର
1 min read
ମୁମ୍ୱାଇ: ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତ ଆତ୍ମହତ୍ୟା ମାମଲାରେ ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ପାଇଁ ଆଡ଼ୁଆ ବଢ଼ିବାରେ ଲାଗିଛି । ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ସୁଶାନ୍ତଙ୍କ ଗାର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କୁ ସମନ ପଠାଇଛି । ରିୟା ଚକ୍ରବର୍ତ୍ତୀ ଶୁକ୍ରବାର ଇଡି ସାମ୍ନାରେ ହାଜର ହେବାକୁ ପଡ଼ିବ । ସୁଶାନ୍ତଙ୍କ ପିତା କେ.କେ ସିଂହଙ୍କ ଦ୍ୱାରା ବିହାର ପୋଲିସକୁ ଦିଆଯାଇଥିବା ଏଫ୍ଆଇଆରରେ ସେ ରିୟାକୁ ଦାୟୀ କରିଛନ୍ତି । ସେ କହିଛନ୍ତି ରିୟାଙ୍କ ନଜର ସୁଶାନ୍ତଙ୍କ ଟଙ୍କା ଉପରେ ରହିଥିଲା । ସୁଶାନ୍ତଙ୍କ ଆକାଉଣ୍ଟରୁ କୋଟି କୋଟି ଟଙ୍କାର ହେରଫେର ହୋଇଛି ।
https://www.instagram.com/p/CCnBR95HAmO/?utm_source=ig_embed
ସୁଶାନ୍ତଙ୍କ ସହିତ ଲିଭ୍ ଇନ୍ ରିଲେସନରେ ରହିଥିବା ରିୟା ଚକ୍ରବର୍ତ୍ତୀଙ୍କ ଉପରେ ଏବେ ଅନେକ ଗମ୍ଭୀର ଅଭିଯୋଗ ଲାଗିଛି । ସୁଶାନ୍ତଙ୍କ ପିତା ଦ୍ୱାରା ଏଫ୍ଆଇଆର ଦାୟର କରାଯିବା ପରେ ମାମଲାର ତଦନ୍ତ ବିହାର ପୋଲିସ କରୁଥିଲା । କିନ୍ତୁ ଏବେ ଏହି ମାମଲା ସିବିଆଇକୁ ଟ୍ରାନ୍ସଫର ହୋଇଯାଇଛି । ପୂର୍ବରୁ ରିୟା ବିହାର ପୋଲିସକୁ ମାମଲା ହସ୍ତାନ୍ତର କରାଯିବାକୁ ନେଇ ବିରୋଧ କରିଥିଲେ । ଏବଂ ଏହି ମାମଲାର ତଦନ୍ତ ମୁମ୍ୱାଇ ପୋଲିସ କରିବା ଆବଶ୍ୟକ ବୋଲି କହିଥିଲେ । ତେବେ ତଦନ୍ତ ସିବିଆଇ ହାତକୁ ଯିବା ପରେ ରିୟାଙ୍କ ଓକିଲ ଏହାର ସମର୍ଥନ କରିଛନ୍ତି ।
ସୁଶାନ୍ତଙ୍କ ମୃତ୍ୟୁ ମାମଲା ସିବିଆଇକୁ ହସ୍ତାନ୍ତର କରାଯିବା ପରେ କିଛି ଏଭଳି କହିଲେ ଅଙ୍କିତା
