ରାୟଗଡ଼ାର ୩ଟି ନିର୍ବାଚନୀ ମଣ୍ଡଳୀର ସମୀକ୍ଷା କରି ନେତାଙ୍କୁ ଗୁରୁମନ୍ତ୍ର ଦେଲେ ନବୀନ

ଭୁବନେଶ୍ବର :  ରାୟଗଡ଼ାରେ ବିଜେଡି ତୃଣମୂଳସ୍ତରରୁ ଆହୁରି ଅଧିକ ସୁଦୃଢ ହେବ  । ଏନେଇ ଶଙ୍ଖ ଭବନରେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ରାୟଗଡ଼ା ଜିଲ୍ଲାର ସମୀକ୍ଷା କରିଛନ୍ତି । ଆଜି ରାୟଗଡ଼ାର ୩ଟି ନିର୍ବାଚନୀ ମଣ୍ଡଳୀର ସମୀକ୍ଷା କରିବା ସହ ନେତାଙ୍କୁ ଗୁରୁମନ୍ତ୍ର ଦେଇଛନ୍ତି ନବୀନ । ଏହି ସମୀକ୍ଷା ବୈଠକରେ ରାୟଗଡ଼ା ଜିଲ୍ଲାର ବରିଷ୍ଠ ନେତାମାନେ ସାମିଲ ହୋଇ ନବୀନଙ୍କୁ ଜିଲ୍ଲାର ସାଂଗଠନିକ ସ୍ଥିତି ବିଷୟରେ ଅବଗତ କରିଥିଲେ । ରାଜ୍ୟରେ ବିଜେପି ସରକାର ଯେମିତି ଲୋକଙ୍କୁ ପ୍ରତାରଣା ଦେଇଛି ସେ ପ୍ରସଙ୍ଗ ନେଇ ଜନଜାଗରଣ ସୃଷ୍ଟି କରିବାକୁ ନେତା ସଂକଳ୍ପ ନେଇଛନ୍ତି । ସମୀକ୍ଷା ପରେ ବିଜେଡି ନେତା ଏନ ଭାସ୍କର ରାଓ, ମନୋହର ରନ୍ଧାରୀ, ଝିନ୍ନ ହିକକା ପ୍ରମୁଖ ମିଳିତ ସାମ୍ବାଦିକ ସମ୍ମିଳନୀ କରି ଲୋକଙ୍କ ସ୍ୱାର୍ଥହାନି ହେଲେ ତାହାକୁ ବିରୋଧ କରାଯିବ ବୋଲି କହିଥିଲେ । ବିଜେଡି ସୁପ୍ରିମୋ ନବୀନ ପଟ୍ଟନାୟକ ନଭେମ୍ବରରେ ଜିଲ୍ଲା ଗସ୍ତ କରିବାର କାର୍ଯ୍ୟକ୍ରମ ଥିବାରୁ ଏନେଇ ପ୍ରସ୍ତୁତି ଆରମ୍ଭ ହୋଇଛି ବୋଲି ଦଳୀୟ ନେତା କହିଛନ୍ତି  ।