କରୋନା ସଂକ୍ରମିତଙ୍କ ଆଖିର ରଙ୍ଗ ବି ବଦଳିଯାଏ, ଗୋଲାପୀ ହୋଇଯାଏ ଆଖି !
କରୋନା ଭାଇରସକୁ ନେଇ ବଡ ଧରଣର ଦାବି କରିଛନ୍ତି ଜଣେ ଭାରତୀୟ ବୈଜ୍ଞାନିକ । ଏହି ବୈଜ୍ଞାନିକଙ୍କ ଦାବି ଯେ, କରୋନା ପ୍ରାକୃତିକ ଭାଇରସ ନୁହେଁ । ଏହା ଏକ ଜୈବିକ ଅସ୍ତ୍ର,ଯାହାକୁ ଲାବରେ ତିଆରି କରାଯାଇଛି । ହୋଲକର ସାଇନ୍ସ କଲେଜର ଅବସର ପ୍ରାପ୍ତ ପ୍ରଫେସର ରାମ ଶ୍ରୀବାସ୍ତବଙ୍କ ଅନୁସାରେ ଏହା ଏକ ଲାବ୍ ପ୍ରସ୍ତୁତ ଭୂତାଣୁ । ଏହାର ସତ୍ୟାସତ୍ୟ ନେଇ ସେ କେତେକ ଯୁକ୍ତି ମଧ୍ୟ ବାଢିଛନ୍ତି ।
ବୈଜ୍ଞାନିକଙ୍କ କହିବା କଥା ହେଉଛି ଅନ୍ୟ ଭୂତାଣୁ ଏବଂ କରୋନା ଭୂତାଣୁ ମଧ୍ୟରେ ବହୁତ ପାର୍ଥକ୍ୟ ଅଛି । ଅନୁସନ୍ଧାନରୁ ଜଣାପଡିଛି ଯେ ପ୍ରାକୃତିକ ଭୂତାଣୁର ଜିନ୍ ଠାରୁ କରୋନା ଭୂତାଣୁର ଜିନ୍ ସମ୍ପୂର୍ଣ୍ଣ ଭିନ୍ନ ଅଟେ । ପ୍ରାକୃତିକ ଭୂତାଣୁରେ ଜିନର କ୍ରମ ସର୍ବଦା ବଦଳିଥିବା ବେଳେ କରୋନା ଭାଇରସରେ, ଜିନର କ୍ରମରେ କୌଣସି ପରିବର୍ତ୍ତନ ଆସୁନାହିଁ । ଅନ୍ୟ ଭାଇରସ୍ ପରି, ଏହାର ନ୍ୟୁଟ୍ରିସନ ହେଉନାହିଁ । ତେଣୁ ଏହି ଭାଇରସ ଲ୍ୟାବରେ ତିଆରି କରାଯାଇଥିବାର ୮୦ ପ୍ରତିଶତ ସମ୍ଭାବନା ରହିଛି । ଏବଂ ଏହା ସମ୍ପୂର୍ଣ୍ଣ ପ୍ରାକୃତିକ ନୁହେଁ ଏହା ଜେନେଟିକ୍ ରୂପାନ୍ତରିତ ଭୂତାଣୁ ବୋଲି ସେ କହିଛନ୍ତି ।
ହୋଲକର ସାଇନ୍ସ କଲେଜରେ ପ୍ରଫେସର
ହୋଲକର ସାଇନ୍ସ କଲେଜର ପ୍ରଫେସର ଥିବା ତଥା ୟଙ୍ଗ ସାଇଣ୍ଟିଷ୍ଟ ଆୱାର୍ଡ ପାଇଥିବା ରାମ ଶ୍ରୀବାସ୍ତବ ଏହା ମଧ୍ୟ କହିଛନ୍ତି ଯେ, ସେ ଏହି ତଥ୍ୟ ଆମେରିକା, ଚୀନ୍, ସ୍ପେନ୍ ଏବଂ ବ୍ରିଟେନର ମେଡିକାଲ ଅନୁଷ୍ଠାନର ରିସର୍ଚରୁ ସଂଗ୍ରହ କରିଛନ୍ତି । ଏହାସହ ସେ ସ୍ପଷ୍ଟ କରିଛନ୍ତି ଯେ, ଆଖିର ରଙ୍ଗ ଗୋଲାପି ହେବା, ଗନ୍ଧ ବାରିବାର କ୍ଷମତା କମିବା ଏବଂ ଖାଦ୍ୟର ସ୍ୱାଦ ଜଣା ନପଡ଼ିବା, କରୋନା ଭୂତାଣୁର ପ୍ରାରମ୍ଭିକ ଲକ୍ଷଣ । ଯେତେବେଳେ କରୋନା ଭୂତାଣୁ ବାୟୁ ଦ୍ୱାରା ଆମ ଶରୀରକୁ ପ୍ରବେଶ କରେ, ଏହା ପ୍ରଥମେ ଗ୍ରନ୍ଥିଗୁଡ଼ିକୁ ନଷ୍ଟ କରିବାକୁ ଲାଗେ ଯେଉଁଠାରୁ ଆମେ ସୁଗନ୍ଧ ବା ଗନ୍ଧ ବାରିଥାଉ ।
ଏହା ପରେ, ଏହା ପାଟିରେ ଯାଇ ଆମ ଲାଳରେ ମିଶି ଜିଭରେ ଥିବା ସ୍ୱାଦ ଗ୍ରନ୍ଥିକୁ ଦୁର୍ବଳ କରିଥାଏ । ଏହି ଲକ୍ଷଣଗୁଡିକର ତିନିରୁ ଚାରି ଦିନ ପରେ ଶୁଖିଲା କାଶ, ଜ୍ୱର ଏବଂ ନିଶ୍ୱାସ ନେବାରେ ଅସୁବିଧା ଭଳି ସମସ୍ୟା ଆରମ୍ଭ ହୁଏ । ତେବେ କେବଳ ସେତିକି ନୁହେଁ କରୋନା ଭୂତାଣୁରେ ମଣିଷ ଆଖିର ରଙ୍ଗ ମଧ୍ୟ ଗୋଲାପି ହୋଇଯାଇଥାଏ । ଏଥିପାଇଁ ଆମେରିକାର ଆମେରିକୀୟ ଆଥୋଲୋଜିକାଲ୍ ସୋସାଇଟି ତାର ସମସ୍ତ ଚକ୍ଷୁ ବିଶେଷଜ୍ଞଙ୍କୁ ସତର୍କ କରିଛି । ଏଥିରେ ଦର୍ଶାଯାଇଛି ଯେ କୋରେନା ଭୂତାଣୁର ପ୍ରାରମ୍ଭିକ ଲକ୍ଷଣରେ ଆଖିର ରଙ୍ଗ ଗୋଲାପି ହୋଇଯାଇଥାଏ । ତେଣୁ କଣ୍ଟାକ୍ଟ ଲେନ୍ସ ବ୍ୟବହାର କରୁଥିବା ଲୋକଙ୍କ ପାଇଁ ଏହି ଭୂତାଣୁ ବିପଦଜନକ ଅଟେ।
କେମିତି କରୋନାକୁ ଦେପାରିବେ ମାତ୍..?
ବୈଜ୍ଞାନିକଙ୍କ ଅନୁସାରେ ଭୂତାଣୁଠାରୁ ରକ୍ଷା ପାଇବାକୁ ହେଲେ ଘରେ ରହିବା ନିହାତି ଆବଶ୍ୟକ । ତେଣୁ ଯଦି ଆପଣ ଏହି ଭୂତାଣୁ ସଂସ୍ପର୍ଶରେ ଆସିବାକୁ ଚାହୁଁ ନାହାଁନ୍ତି ତେବେ ଘରେ ରହିବା ସହ ଏହି ତିନୋଟି କାର୍ଯ୍ୟ ମଧ୍ୟ କରନ୍ତୁ ।
ଜଲନୈଟି : ଏହା ହେଉଛି ନାକକୁ ସଫା ରଖିବାର ଏକ ଉପାୟ । ସବୁବେଳେ ନାକ ସଫା କରିବା ଦ୍ୱାରା ସାୟରସ୍ ପତଳା ହୋଇଯିବ ଏବଂ କରୋନା ଭାଇରସ ଏଥିରେ ରହିପାରବ ନାହିଁ ।
ଉଜ୍ଜାୟୀ ପ୍ରାଣାୟାମ : ଏଥିରେ, ଗଳା ଦବାଇ, ନିଶ୍ୱାସକୁ ନିଜର ଗଳା ଏବଂ ପେଟ ମଧ୍ୟରେ ନିଆଯାଇଥାଏ ଫଳରେ ଏହା କପୋତ ଭଳି ଶବ୍ଦ ସୃଷ୍ଟି କରିଥାଏ । ଏହା ପ୍ରତି ଦିନ କରିବା ଆବଶ୍ୟକ କାରଣ ଏହା ଶ୍ୱାସକ୍ରିୟାରେ ଭୂତାଣୁ ଜମା ହେବାକୁ ଦେବ ନାହିଁ, ଫଳରେ ଏହା ପେଟରେ ପ୍ରବେଶ କରିବ ଏବଂ ଆମ ପେଟରେ ଥିବା ହାଇଡ୍ରୋକ୍ଲୋରିଡ୍ ତରଳ ପଦାର୍ଥ ଏହି ଭୂତାଣୁକୁ ନଷ୍ଟ କରିଦେବ ।
ପାନ ମଧୁରୀ: ପାନ ମଧୁରୀ ପାଣି ଫୁଟାଇ ପ୍ରତିଦିନ ୧ଘଣ୍ଟାରେ ଦୁଇଥର ଲେଖାଏଁ ପିଅନ୍ତୁ, ଫଳରେ ଏହି ଭଆଇରସ ଗଳାରେ ଲାଗି ନପାରି ପେଟକୁ ପଳେଇବ ଫଳରେ ହାଇଡ୍ରୋକ୍ଲୋରିଡ୍ ଏହାକୁ ନଷ୍ଟ କରିବାରେ ସଫଳ ହେବ ।
