ଅଲିଭ ରିଡଲେଙ୍କ ଅଣ୍ଡାଦାନ ଋତୁ ଆରମ୍ଭ, ମାଛ ଧରା ଉପରେ କଟକଣା ଜାରି

ପୁରୀ: ପୁରୀ ଜିଲ୍ଲା ଅସ୍ତରଙ୍ଗ ଦେବୀନାଶିରୁ କେଳୁଣୀ ମୁହାଣ ସମୁଦ୍ରରେ ମାଛ ଧରିବା ଉପରେ ଲାଗିଲା କଟକଣା । ବିରଳ ସାମୁଦ୍ରିକ ପ୍ରଜାତିର କଇଁଛ ଅଲିଭ ରିଡଲେଙ୍କ ଆଗମନ ପାଇଁ ମାଛଧରା ବନ୍ଦ। ଆଜିଠାରୁ ମେ ୩୧ ପର୍ଯ୍ୟନ୍ତ ସମୁଦ୍ରରେ ମାଛ ଧରା ବନ୍ଦ। ବିରଳ ପ୍ରଜାତିର ଅଲିଭ ରିଡଲେଙ୍କ ଆଗମନ ହେତୁ କଇଁଛକୁ ସୁରକ୍ଷା ଦେବା ପାଇଁ ମତ୍ସ୍ୟ ବିଭାଗ ଓ ଜଙ୍ଗଲ ବିଭାଗ ପକ୍ଷରୁ ଏହି କଟକଣା ଲାଗିଛି ।

ଦେବୀ ମୁହାଣ ଠାରୁ ୨୦କିଲୋମିଟର ପରିଧି ଏବଂ ଅନ୍ୟ ନଦୀ ମୁହାଣ ସମୁଦ୍ର ଠାରୁ ୫କିଲୋମିଟର ପରିଧି ମଧ୍ୟରେ ମାଛଧରାକୁ ସମ୍ପୂର୍ଣ୍ଣ ବ୍ୟାନ କରାଯାଇଛି । ଏହି ସମୟରେ ମାଛ ଧରା ଉପରେ ତଟରକ୍ଷୀ ବାହିନୀ, ସାମୁଦ୍ରିକ ମତ୍ସ୍ୟ ବିଭାଗ, ସାମୁଦ୍ରିକ ଥାନା ପୋଲିସ ଏବଂ ଜଙ୍ଗଲ ବିଭାଗ ପକ୍ଷରୁ ମିଳିତ ପାଟ୍ରୋଲିଂ କରାଯିବ। ମାଛ ଧରା କଟକଣାକୁ ଉଲ୍ଲଂଘନ କଲେ ଜୋରିମାନା ସହ ଟ୍ରଲର, ଡ଼ଙ୍ଗା ଜବତ କରାଯିବ ବୋଲି ସୂଚନା ଦିଆଯାଇଛି।