୧୮୧୨ ମସିହାର ଜଗନ୍ନାଥ ମନ୍ଦିର ପୁନରୁଦ୍ଧାର

ଝାଡଖଣ୍ଡ: ଝାଡଖଣ୍ଡ କେରାରେ ଥିବା ଜଗନ୍ନାଥ ମନ୍ଦିରର ହେଲା ପୁନରୁଦ୍ଧାର । ଲଣ୍ଡନରେ ରହୁଥିବା ପ୍ରବରସୀ ଓଡ଼ିଆ ହିମାଂଶୁ ମହାପାତ୍ରଙ୍କ ଦ୍ୱାରା ମନ୍ଦିରର ପୁନରୁଦ୍ଧାର ହୋଇଛି । ରାଉରକେଲା ଠାରୁ ଶହେ କିଲୋମିଟର ଦୂରରେ ଥିବା ଏହି ଜଗନ୍ନାଥ ମନ୍ଦିର ୧୮୧୨ ମସିହାରେ କେରାର ରାଜା ଲକ୍ଷ୍ମୀ ନାରାୟଣ ସିଂହଦେଓଙ୍କ ଦ୍ୱାରା ନିର୍ମାଣ କରାଯାଇଥିଲା । କିନ୍ତୁ ସେଠାରେ ରୋଷଘର, ଗରୁଡ ସ୍ତମ୍ଭ, ତୁଳସୀ ଚଊରା ଆଦି ନଥିଲା ।

ହିଂମାଶୁଙ୍କ ଦ୍ୱାରା ଏସବୁର ନିର୍ମାଣ କରାଯାଇଥିବା ବେଳେ ପୁରୀ ଶ୍ରୀମନ୍ଦିର ରୀତିନୀତି ଅନୁସାରେ କେରା ମନ୍ଦିରର ନୀତିକାନ୍ତି ଚାଲିବା ପାଇଁ ବ୍ୟବସ୍ଥା କରାଯାଇଥିବା ହିଂମାଶୁ ଭୁବନେଶ୍ୱରରେ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି । ଏହି ମନ୍ଦିରର ରକ୍ଷଣାବେକ୍ଷଣ ପାଇଁ ସେ ନିଜେ ଚେଷ୍ଟା ଜାରି ରଖିବା ସହ ସମସ୍ତ ପ୍ରବାସୀ ଓଡ଼ିଆଙ୍କୁ ଆଗେଇ ଆସିବାକୁ ଆହ୍ୱାନ ଦେଇଛନ୍ତି ।