୨୨ ଦିନରେ ତେଲଙ୍ଗାନା ଶ୍ରୀସାଇଲାମ ବାମ କେନାଲ ରେସ୍କ୍ୟୁ ଅପରେସନ, ମିଳିନି ସୁଫଳ

ହାଇଦ୍ରାବାଦ: ତେଲଙ୍ଗାନା ଶ୍ରୀସାଇଲାମ ବାମ କେନାଲ ବା ଏସଏଲବିସିରେ ଚାଲିଥିବା ରେସ୍କ୍ୟୁ ଅପରେସନ ପହଞ୍ଚିଛି ୨୨ଦିନରେ। ଅତ୍ୟାଧୁନିକ ରୋବୋଟିକ ଟେକ୍ନୋଲୋଜି ଜରିଆରେ ଅପରେସନ ଚାଲିଥିଲେ ବି ମିଳିନି ସୁଫଳ। ଅଟୋମେଟିକ ହାଇଡ୍ରୋଲିକ ପାୱାରଡ ରୋବୋଟ ଜରିଆରେ ଚାଲିଛି ଉଦ୍ଧାର କାର୍ଯ୍ୟ। ଏହା ସହ ଉଦ୍ଧାର କାର୍ଯ୍ଯରେ ନିୟୋଜିତ ହୋଇଛି ଲିକ୍ଯୁଡ ରିଙ୍ଗ ଭାକ୍ୟୁମ ପମ୍ପ। ରେସ୍କ୍ୟୁ ଅପରସେନ ଟିମ ସହ ଆଲୋଚନା କରିଛନ୍ତି ବିପର୍ଯ୍ୟୟ ପରିଚାଳନା ବିଭାଗ ସ୍ବତନ୍ତ୍ର ମୁଖ୍ୟ ସଚିବ ଅରବିନ୍ଦ କୁମାର।

ଘଟଣାସ୍ଥଳରେ ବି ନଗରକୁର୍ଣ୍ଣୋଲ ଜିଲ୍ଲାପାଳ ଉପସ୍ଥିତ ରହି ଉଦ୍ଧାର କାର୍ଯ୍ୟ ତଦାରଖ କରୁଛନ୍ତି। ଉଦ୍ଧାର ଲାଗି ରାଜ୍ୟ ସରକାର ସମସ୍ତ ପ୍ରକାର ସହଯୋଗ ଯୋଗାଇଦେଇଛନ୍ତି। ଗତ ଫେବ୍ରୁଆରୀ ୨୨ ତାରିଖରେ ସୁଡ଼ଙ୍ଗର ଏକ ଅଂଶ ଭୁଶୁଡ଼ି ପଡ଼ିବା ପରେ ୭ ଜଣ ସୁଡ଼ଙ୍ଗ ଭିତରେ ଫସି ରହିଛନ୍ତି। ଦୀର୍ଘ ୨୨ ଦିନ ଧରି ଆର୍ମୀ, ଏନଡିଆରଏଫ, ଏସଡିଆରଏଫ, ଏଚଆରଡିଡି, ସିଙ୍ଗରେନି କୋଲିଏରି ପକ୍ଷରୁ ଉଦ୍ଧାର ଜାରି ରହିଛି। ଗତ ମାର୍ଚ୍ଚ ୯ ତାରିଖରେ ଗୁରୁପ୍ରୀତ ସିଂ ନାମକ ଟିବିଏମ ଅପରେଟରଙ୍କ ମୃତଦେହ ଉଦ୍ଧାର ହୋଇଥିଲା। ଅନ୍ୟ ଯେଉଁ ୭ ଜଣ ଟନେଲ ଭିତରେ ଫସିଛନ୍ତି ସେମାନେ ହେଲେ ୟୁପିର ମନୋଜ କୁମାର, ଜାମ୍ମୁ ଓ କାଶ୍ମୀରର ସନ୍ନି ସିଂ, ପଞ୍ଜାବର ଗୁରୁପ୍ରୀତ ସିଂ, ଝାଡ଼ଖଣ୍ଡର ସନ୍ଦୀପ ସାହୁ, ଜେଗତା କେସ୍ ଓ ଅନୁଜ ସାହୁ ପ୍ରମୁଖ।…