ସବୁଠୁ ଶସ୍ତା ୪ଜି ସ୍ମାର୍ଟ ଫୋନ୍ ଆଣୁଛି ରିଲାଏନ୍ସ

ନୂଆଦିଲ୍ଲୀ: ରିଲାଏନ୍ସ ଜିଓ ନିଜର 4G ଫିଚର ଫୋନ୍ ୟୁଜର୍ସଙ୍କୁ ସ୍ମାର୍ଟ ଫୋନରେ ମାଇଗ୍ରେଟ୍ କରିବା ଲାଗି ପ୍ରସ୍ତୁତି ଚଳାଇଛି । ଏହାବ୍ୟତୀତ କମ୍ପାନୀ ପକ୍ଷରୁ ଭୋଡାଫୋନ୍-ଆଇଡିଆ ଓ ଭାରତି ଏୟାରଟେଲ୍ ଭଳି କମ୍ପାନୀର 2G ୟୁଜର୍ସଙ୍କୁ ନିଜ ଆଡକୁ ଆକର୍ଷିତ କରିବାକୁ ପ୍ରଚେଷ୍ଟା କରୁଛି ।

ମିଡିଆ ରିପୋର୍ଟ ମୁତାବକ, ଟେଲିକମ୍ କମ୍ପାନୀ ଖୁବ୍ ଶୀଘ୍ର ଭିବୋର ପାର୍ଟନରସିପରେ ଜିଓ ଏକ୍ସକ୍ଲ୍ୟୁସିଭ୍ ସ୍ମାର୍ଟ ଫୋନ୍ ଲଞ୍ଚ କରିବ । ଏହାବ୍ୟତୀତ ଓଟିଟି ପ୍ଲାର୍ଟଫର୍ମର ଫ୍ରି ଏକ୍ସିସ୍, ଡିସକାଉଣ୍ଟ, ଓ୍ବାନ୍-ଟାଇମ୍ ସ୍କ୍ରିନ୍ ରିପ୍ଲେସମେଣ୍ଟ, ସପିଂ ବେନେଫିଟ୍ସ ଭଳି ଅଫର୍ସ ବି ଦେଉଛି ।

ରିପୋର୍ଟ ଅନୁଯାୟୀ ରିଲାଏନ୍ସ ଜିଓ, କାର୍ବନ, ଲାଭା ବ୍ୟତୀତ କିଛି ଚାଇନିଜ୍ ବ୍ରାଣ୍ଡସ ଭଳି ସ୍ଥାନୀୟ ମେନୁଫେକଚର ଭଳି କମ୍ପାନୀ ସହ ଆଲୋଚନା କରୁଛି । ତେବେ ଏହାର ଦାମ୍ ୮ ହଜାର କିମ୍ବା ତା’ଠାରୁ କମ ମୂଲ୍ୟ ରଖିବା ପାଇଁ କମ୍ପାନୀ ଚାହୁଁଥିବା ନେଇ ସୁତ୍ରରୁ ପ୍ରକାଶ ।