ମୁଖ୍ୟମନ୍ତ୍ରୀ ଦାୟିତ୍ବ ନେବା ପରେ ରେଖା ଗୁପ୍ତାଙ୍କ ବଡ଼ ଆକ୍ସନ: ଆତିଶୀ ସରକାର ସମୟରେ ନିଯୁକ୍ତି ପାଇଥିବା ସବୁ ବ୍ୟକ୍ତିଗତ ଷ୍ଟାଫ ହଟିଲେ

ଦିଲ୍ଲୀର ନୂଆ ମୁଖ୍ୟମନ୍ତ୍ରୀ ଭାବେ ଦାୟିତ୍ବ ଗ୍ରହଣ କରିବା ପରେ ଆକ୍ସନ ମୋଡ଼ରେ ରେଖା ଗୁପ୍ତା । ନୂଆା ମୁଖ୍ୟମନ୍ତ୍ରୀ ପୂର୍ବ ଆତିଶୀ ସରକାରଙ୍କ ସମସ୍ତ ବ୍ୟକ୍ତିଗତ ଷ୍ଟାଫଙ୍କ ସେବା ସମାପ୍ତ କରିଦେଇଛନ୍ତି । ଏଥିସହିତ ଯେଉଁ ଅଧିକାରୀ ଓ କର୍ମଚାରୀଙ୍କୁ ଅନ୍ୟ ବିଭାଗମାନଙ୍କରେ ନିଯୁକ୍ତି କରାଯାଇଥିଲା, ସେମାନଙ୍କୁ ତୁରନ୍ତ ନିଜର ମୂଳ ବିଭାଗରେ ରିପୋର୍ଟ କରିବାକୁ କୁହାଯାଇଛି । ଦିଲ୍ଲୀର କମାଣ ସମ୍ଭାଳିବା ପରେ ନୂଆ ସିଏମଙ୍କ ଏହା ହେଉଛି ପ୍ରଥମ କାର୍ଯ୍ୟାନୁଷ୍ଠାନା ।

ମୁଖ୍ୟମନ୍ତ୍ରୀ ଶ୍ରୀମତୀ ଗୁପ୍ତା ଆତିଶୀ ସରକାରଙ୍କ ବ୍ୟକ୍ତିଗତ ଷ୍ଟାଫଙ୍କ ସେବା ବନ୍ଦ କରିଦେଇଛନ୍ତି । ପୂର୍ବତନ ମୁଖ୍ୟମନ୍ତ୍ରୀ ଓ ମନ୍ତ୍ରୀମାନଙ୍କର ସମସ୍ତ ବ୍ୟକ୍ତିଗତ ଷ୍ଟାଫଙ୍କୁ ଚାକିରିରୁ ହଟାଇ ଦେଇଛନ୍ତି । ଏଥିସହିତ ଆମ ଆଦମୀ ପାର୍ଟିର ସରକାର ଯେଉଁ ଅଧିକାରୀ ଓ କର୍ମଚାରୀଙ୍କୁ ଅନ୍ୟ ବିଭାଗରେ ନିଯୁକ୍ତି ଦେଇଥିଲା, ସେମାନଙ୍କୁ ତୁରନ୍ତ ନିଜର ମୂଳ ବିଭାଗରେ ରିପୋର୍ଟ କରିବାକୁ କୁହାଯାଇଛି । ଅନେକ ଅଧିକାରୀ ଓ କର୍ମଚାରୀଙ୍କୁ ପ୍ରତିନିଯୁକ୍ତି ଉପରେ ଅନ୍ୟ ବୋର୍ଡ କର୍ପୋରେସନକୁ ପଠାଯାଇଛି । ସପ୍ତାହେ ପୂର୍ବରୁ ପୂର୍ବ ସରକାରଙ୍କ ତରଫରୁ କଣ୍ଟ୍ରାକ୍ଟ ଓ ବ୍ୟକ୍ତିଗତ ଷ୍ଟାଫଙ୍କ ତଥ୍ୟ ସବୁ ବିଭାଗକୁ ମଗାଯାଇଥିଲା । ସେମାନଙ୍କୁ ମୂଳ ବିଭାଗକୁ ଫେରିବାକୁ କୁହାଯାଇଛି ।  ନିକଟରେ ଦିଲ୍ଲୀର ମୁଖ୍ୟ ସଚିବ ଏହାକୁ ନେଇ ଏକ ନୋଟିସ ଜାରି କରିଥିଲେ । ସେଥିରେ ସବୁ ନନ-ଅଫିସିଆଲ ଷ୍ଟାଫଙ୍କ ଲିଷ୍ଟ ମଗାଯାଇଥିଲା । କେଜ୍ରିଓ୍ବାଳ ସରକାରରେ ଅଲଗା ଅଲଗା ବିଭାଗରେ ଅନେକ ପ୍ରକାରର ନନ-ଅଫିସିଆଲ ଷ୍ଟାକଙ୍କୁ ନିଯୁକ୍ତି ଦିଆଯାଇଥିଲା ।