କରୋନା ପାଇଁ କମିବ ସିଲାବସ୍ ,ଏକ୍ସପର୍ଟ କମିଟି ନେବ ନିଷ୍ପତ୍ତି

ଭୁବନେଶ୍ୱର: କରୋନା କାରଣରୁ ସବୁ ପ୍ରକାର କାର୍ଯ୍ୟ ଉପରେ ରୋଗ ଲାଗିଛି । ଲକଡାଉନ ଓ ସଟଡାଉନ ଭିତରେ ବିତୁଛି ଜୀବନ । ଏଭଳି ପରିସ୍ଥିତିରେ ଛାତ୍ରଛାତ୍ରୀଙ୍କ ସୁରକ୍ଷାକୁ ଧ୍ୟାନ ଦିଆଯାଇଛି ।  ସିଲାବସରେ ପରିବର୍ତ୍ତନ ହେବା ନେଇ ନିଷ୍ପତ୍ତି ନିଆଯାଇଛି । ଚଳିତବର୍ଷ ସିଲାବସ୍ କମିବା ନେଇ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ ସୂଚନା ଦେଇଛନ୍ତି । ପାଠ୍ୟକ୍ରମ କମିବା ନେଇ ମୁଖ୍ୟମନ୍ତ୍ରୀଙ୍କ ଅନୁମତି ମିଳିଛି । ପ୍ରଥମରୁ ଦଶମ କ୍ଲାସ ଯାଏଁ ଏସସିଇଆରଟି ଏକ୍ସପର୍ଟ କମିଟି ନିଷ୍ପତ୍ତି ନେବେ ।

ଶିକ୍ଷାନୁଷ୍ଠାନ ଖୋଲିବା ପରେ କେତେ ଦିନ ଶିକ୍ଷାବର୍ଷର ବାକି ଅଛି, ସେ ଆଧାରରେ କମିଟି ନିଷ୍ପତ୍ତି ନେବେ । ପିଲାଙ୍କ ଭବିଷ୍ୟତକୁ ଆଖିରେ ରଖି କେତେ ପ୍ରତିଶତ ସିଲାବସ ହ୍ରାସ କରାଯିବ ସେନେଇ ଯଥେଷ୍ଟ ଆଗୁଆ ଜଣାଇ ଦିଆଯିବ । ହେଲେ କେବେ ସ୍କୁଲ ଖୋଲିବ ଏଯାଏ ସ୍ଥିର ହୋଇନି ବୋଲି ମନ୍ତ୍ରୀ କହିଛନ୍ତି । ଯୁକ୍ତ ୨ ପାଠ୍ୟକ୍ରମ ନେଇ ସିଏଚଏସଇ ନିଷ୍ପତ୍ତି ନେବ ।