ପେଟ୍ରୋଲ ପମ୍ପ ବିସ୍ଫାେରଣ ଟ୍ରାଜେଡି: ନିଖୋଜ ପେଟ୍ରୋଲ ପମ୍ପରେ କାମ କରୁଥିବା ସୀମାଞ୍ଚଳ ପରିଡ଼ା

ଭୁବନେଶ୍ୱର: ପେଟ୍ରୋଲ ପମ୍ପ ଟ୍ରାଜେଡିରେ ଆସୁଛି ଗୋଟିଏ ପରେ ଗୋଟିଏ ଟୁଇଷ୍ଟ । ରାଜଧାନୀର ଛାତି ଉପରେ ବିସ୍ଫୋରଣ ପରେ ଏବେ ସମସ୍ତେ ସ୍ତବ୍ଦ ରହିଛନ୍ତି । ଏହି ଭିତରେ ୨ ଜଣ ଗୁରୁତରଙ୍କ ମଧ୍ୟରୁ ଜଣଙ୍କର ମୃତ୍ୟୁ ହୋଇଛି । ତେବେ ଜଣଙ୍କର ମୃତ୍ୟୁ ହୋଇଥିବା ବେଳେ ଏବେ ଜଣେ ନିଖୋଜ ରହିଛନ୍ତି । ଏନେଇ ବିସ୍ଫୋରଣ ପରେ ଘଟଣା ଚାଲିଛି ତଦନ୍ତ । ୯ ଗୁରୁତର ଆହତଙ୍କର ଚିକିତ୍ସା ଚାଲିଥିବା ବେଲେ ନିଖୋଜ ଅଛନ୍ତି ପେଟ୍ରୋଲ ପମ୍ପରେ କାମ କରୁଥିବା ସୀମାଞ୍ଚଳ ପରିଡ଼ା ।

ଗତକାଲି ବିସ୍ଫୋରଣ ପରଠାରୁ ସୀମାଞ୍ଚଳକୁ ପାଉନାହାନ୍ତି ତାଙ୍କ ପରିବାର ଲୋକେ । ତାଙ୍କର ଖୋଜଖବର ମିଳୁନି ବୋଲି ପରିବାର ଲୋକେ ଅଭିଯୋଗ କରିଛନ୍ତି । ବିସ୍ଫୋରଣରେ ସୀମାଞ୍ଚଳଙ୍କର କଣ ହୋଇଛି ସେ ବଞ୍ଚିଛନ୍ତି ନା ତାଙ୍କର କଣ ହୋଇଛି ବୋଲି କିଛି ଖୋଜ ଖରବ ମିଳୁନାହିଁ । ସେପଟେ ପୋଲିସକୁ ବିସ୍ଫୋଣ ସ୍ଥାନରେ ସୀମାଞ୍ଚଳଙ୍କ ପର୍ସ ମିଳିଛି । ସେ କେଉଁଠି ଅଛନ୍ତି କେମି ଅଛନ୍ତି କାହାରିକୁ ଜଣାନାହିଁ । ସୀମାଞ୍ଚଳଙ୍କୁ ଖୋଜି ଖୋଜି ତାଙ୍କ ଭାଇ ବି ଦୁଃଖରେ ଜର୍ଜରିତ ହୋଇପଡ଼ିଛନ୍ତି ।

Leave a Reply