ତାଙ୍କୁ ଗାଇଡ୍ କରିବାର ଆବଶ୍ୟକତା ପଡ଼ିବନି, ସେ ଭଲ ବିଧାୟିକା ହେବେ: ରମାରଞ୍ଜନ
ଭୁବନେଶ୍ୱର: ମୁଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭଲ ପାଏ । ବର୍ଷା ସିଂ ବରିହାଙ୍କୁ ବିପୁଳ ମାତ୍ରାରେ ପଦମପୁରବାସୀ ଭୋଟ୍ ଦେଇଛନ୍ତି । ନିଷ୍ଠାର ସହ ସେମାନଙ୍କ ସେବା କରିବା ପାଇଁ ବର୍ଷାଙ୍କୁ ପରାମର୍ଶ ଦେବି ବୋଲି ବର୍ଷାଙ୍କ ଶ୍ବଶୁର ରମାରଞ୍ଜନ ବଳିୟାରସିଂ କହିଛନ୍ତି । ସେ ଜଣେ ଭଲ ବିଧାୟିକା ହେବେ । ମୁଁ କହିବି ଯେ ବର୍ଷା ବର୍ଷର 5 ଦିନ ଆମ ଘରେ ରହନ୍ତୁ, ବାକି 360 ଦିନ ପଦ୍ମପୁରରେ ରହି ଲୋକଙ୍କ ସେବା କରନ୍ତୁ । ସେ ଭୁବନେଶ୍ବର ଆସିଲେ ଆମ ଘରେ ହିଁ ରହିବେ ।
ଯଦି ଲୋକଙ୍କ ଭିଡ଼ ହୁଏ, ତେବେ ସେମାନଙ୍କୁ ସେ ସରକାରୀ କ୍ୱାର୍ଟର୍ସରେ ସାକ୍ଷାତ କରିବେ । ବର୍ଷା ମୋ ଝିଅ, ସେ ଉଚ୍ଚଶିକ୍ଷିତା ଓ ଭଲ ବିଧାୟିକା ହେବାର ସବୁ ଗୁଣ ଅଛି । ତାଙ୍କୁ ମୋ ଗାଇଡାନସର ଆବଶ୍ୟକତା ନାହିଁ ବୋଲି ସେ କହିଛନ୍ତି । ବର୍ଷା ମୋ ଝିଅ, ମୁଁ ଆଜି ବି କହୁଛି ଯେ ରାଜନୀତିରେ ବ୍ୟକ୍ତିଗତ ଆକ୍ଷେପର ସ୍ଥାନ ନାହିଁ । ଯଦି ମତେ କେହି ଅଲୋଡ଼ା କରିବେ, ତେବେ ତା’ର ପରିଣାମ ସେମାନଙ୍କୁ ଭୋଗିବାକୁ ପଡ଼ିବ ବୋଲି ରମାରଞ୍ଜନ ବଳିୟାରସିଂ କହିଛନ୍ତି ।
