ହିନ୍ଦି ଭାଷାକୁ ନେଇ ସାଉଥ-ବଲିଉଡ ଝଗଡ଼ା ନିଆଁରେ ଘିଅ ଢାଳିଲେ ରାମ ଗୋପାଲ

ନୂଆଦିଲ୍ଲୀ: ମାର୍କେଟରେ ଭଲ ଚାଲିଛି ସାଉଥ ଫିଲ୍ମ । ଜବରଦସ୍ତ ଫିଲ୍ମ ଏବଂ ସାଉଥ ଷ୍ଟାରଙ୍କ ଧମକାଦାର ଆକ୍ସନ ଦର୍ଶକଙ୍କୁ ଆକର୍ଷିତ କରୁଛି । ବଲିଉଡ ସିନେମାଠାରୁ ଭଲ ବ୍ୟବସାୟ ବି କରୁଛି ଦକ୍ଷିଣ ଭାରତୀୟ ସିନେମା । RRR, ପୁଷ୍ପା ଏବଂ KGF-2 ଏହା ପ୍ରମାଣିତ କରିଦେଇଛି । ଯଦିଓ ଆଗରୁ ବାହୁବଳୀ ଏବଂ କେଜିଏଫ -୧ ଭଲ ପ୍ରଦର୍ଶନ କରିଥିଲା, କିନ୍ତୁ ଲଗାତାର ତିନୋଟି ସାଉଥ ଫିଲ୍ମ ସମଗ୍ର ଭାରତରେ ସୁପରହିଟ ହୋଇଛି । ଯାହାକୁ ପ୍ଲାନ ଇଣ୍ଡିଆ ବୋଲି କୁହାଯାଉଛି । ଏହାରି ଭିତରେ ବଲିଉଡ ଏବଂ ଟଲିଉଡ ମଧ୍ୟରେ ବିବାଦ ସୃଷ୍ଟି ହୋଇଛି । ସାଉଥ ଷ୍ଟାର କିଚା ସୁଦୀପ ଓ ଅଜୟ ଦେବଗନଙ୍କ ଝଗଡ଼ା ଏବେ ଭାଇରାଲ ହୋଇଛି । ଏହି ଝଗଡ଼ା ଭିତରେ ଏଣ୍ଟ୍ରି ମାରିଛନ୍ତି ନିର୍ଦ୍ଦେଶକ ରାମ ଗୋପାଳ ବର୍ମା ।

କିଚ୍ଚା ସୁଦୀପ ନିଜ ଟ୍ବିଟର ଆକାଉଣ୍ଟରେ ଏକ ପୋଷ୍ଟ କରିଥିଲେ । ଏଥିରେ ସେ ଲେଖାଥିଲା ଯେ, ହିନ୍ଦୀ ଆମର ରାଷ୍ଟ୍ରୀୟ ଭାଷା ନୁହେଁ । ଏହାକୁ ନେଇ ମୁହାଁମୁହିଁ ହୋଇଛନ୍ତି ଅଜୟ ଦେବଗନ ଏବଂ କିଚା ସୁଦୀପ । ବଲିଉଡ଼ ସୁପରଷ୍ଟାର ଅଜୟ ଦେବଗନ କିଚାଙ୍କ ଏହି ପୋଷ୍ଟକୁ ଟ୍ୟାଗ କରି ଲେଖିଛନ୍ତି- କିଚା ସୁଦୀପ ମୋ ଭାଇ, ଆପଣଙ୍କ ଭାଷାରେ ହିନ୍ଦୀ ଯଦି ରାଷ୍ଟ୍ରୀୟ ଭାଷା ନୁହେଁ, ତେବେ ତୁମେ ନିଜ ଭାଷାରେ ଫିଲ୍ମ ସୁଟିଂ କରି ସାରିବା ପରେ ପୁନର୍ବାର କାହିଁକି ହିନ୍ଦୀରେ ଡବିଂ କରୁଛ ? ହିନ୍ଦୀ ଭାରତର ରାଷ୍ଟ୍ରୀୟ ଭାଷା ଥିଲା, ଅଛି ଏବଂ ଆଗକୁ ମଧ୍ୟ ହିନ୍ଦୀ ରାଷ୍ଟ୍ରଭାଷା ହୋଇ ରହିବ । ଏହାସହ ‘ଜନ ଗଣ ମନ…’ ବୋଲି ଲେଖିଛନ୍ତି ଅଜୟ ଦେବଗନ ।

ସେପଟେ ଅଜୟ ଦେବଗନଙ୍କ ପ୍ରତିକ୍ରିୟା ପରେ ସୁଦୀପଙ୍କ ଟିମ୍ ଏହାର ସ୍ପଷ୍ଟୀକରଣ ରଖିଛି । ଅଜୟ ଦେବଗନକୁ ଅଭିନେତା କିଚା ସୁଦୀପ କେଉଁ ବିଷୟରେ କମେଣ୍ଟ କରିଥିଲେ, ତାହା ତାଙ୍କୁ ଜଣାନଥିଲା । ଏହି ମାମଲାକୁ ଏହିଠାରେ ସମାପ୍ତ କରିଦିଆଯାଉ ବୋଲି କହିଛନ୍ତି ସୁଦୀପଙ୍କ ଟିମ୍ । ସେପଟେ କିନ୍ତୁ ମାମଲା ଶାନ୍ତ ପଡି଼ଲା ବେଳକୁ ଘିଅ ଢାଳିଛନ୍ତି ରାମ ଗୋପାଳ ବର୍ମା । ରାମ ଗୋପାଳ ବର୍ମା ଅଜୟ ଗଦେବଗନଙ୍କୁ ଟାର୍ଗେଟ କରି ଲେଖିଛନ୍ତି- ସାଉଥ ଅଭିନେତାଙ୍କୁ ଇର୍ଷା କରେ ବଲିଉଡ । ବର୍ତ୍ତମାନ KGF-2ର ଓପନିଙ୍ଗ ୫୦ କୋଟିରୁ ଆରମ୍ଭ ହୋଇଥିବାରୁ ଅଧିକ ଇର୍ଷିତ ହୋଇପଡିଛନ୍ତି ଉତ୍ତର ଭାରତୀୟ ଅଭିନେତା । ଠିକ ଅଛି ଆମେ ମଧ୍ୟ ସମସ୍ତେ ଚାହିଁ ରହିଛି ଅଜୟଙ୍କ ଆଗାମୀ ପିଂଲ୍ମ ରନୱେ-୩୦ କେତେ କୋଟିରୁ ଓପନିଂ କରୁଛି । ଏହି ଫିଲ୍ମର ଲୋକପ୍ରିୟତା ହିଁ  ହିନ୍ଦୀ ବନାମ କନ୍ନଡ ଭାଷାର ଲୋକପ୍ରିୟତା ବିଷୟରେ ପ୍ରମାଣିତ କରିବ ବୋଲି କହିଛନ୍ତି ରାମ ଗୋପାଳ  ।