ମୋଦିଙ୍କୁ ଟିକୈତଙ୍କ ପାଲଟା ପ୍ରଶ୍ନ, ତ୍ରିରଙ୍ଗା କ’ଣ କେବଳ ମୋଦିଙ୍କର?

ନୂଆଦିଲ୍ଲୀ: ୨୦୨୧ ବର୍ଷର ପ୍ରଥମ ‘ମନ୍‌ କି ବାତ୍‌’ରେ ପ୍ରଧାନମନ୍ତ୍ରୀ ମୋଦି ପରୋକ୍ଷରେ ଚାଷୀଙ୍କୁ ଟାର୍ଗେଟ କରଛନ୍ତି। ସେ କହିଛନ୍ତି ଯେ ୨୬ ଜାନୁଆରୀରେ ଦିଲ୍ଲୀରେ ତ୍ରିରଙ୍ଗାର ଅପମାନ ଦେଖି ଦେଶ ଅତ୍ୟନ୍ତ ଦୁଃଖିତ ହୋଇଛି। ତେବେ ମୋଦିଙ୍କ ଏହି ଟିପଣୀ ପରେ ଚାଷୀନେତା ରାକେଶ ଟିକୈତ୍ ପ୍ରତିକ୍ରିୟା ରଖିଛନ୍ତି।

ତିକୈତ୍ କହିଛନ୍ତି, ତ୍ରିରଙ୍ଗା ଏକା ପ୍ରଧାନମନ୍ତ୍ରୀଙ୍କର ନୁହେଁ। ଜାତୀୟ ପତାକାକୁ ସାରାଦେଶ ସମ୍ମାନ କରେ। ଯିଏ ତ୍ରିରଙ୍ଗାର ଅପମାନ କରିଛନ୍ତି, ସେମାନଙ୍କୁ ଧରାଯାଉ ବୋଲି ତିକୈତ୍ କହିଛନ୍ତି। ଏହାସହ ବନ୍ଧୁକ ମୂନରେ ଚାଷୀ-ସରକାର ଆଲୋଚନା ସମ୍ଭବ ନୁହେଁ ବୋଲି ମଧ୍ୟ ବୟାନ ଦେଇଛନ୍ତି ରାକେଶ।

ସୂଚନା ଯୋଗ୍ୟ, ଗଣତନ୍ତ୍ର ଦିବସରେ ଦିଲ୍ଲୀରେ ଚାଷୀଙ୍କ ଟ୍ରାକଟ୍ର ରାଲି ସମୟରେ ହିଂସା କାଣ୍ଡ ଦେଖିବାକ ମିଳିଥିଲା । ଏପରିକି ହଜାର ହଜାର ଚାଷୀ ଲାଲ୍‌ କିଲ୍ଲାରେ ପଶିଯାଇଥିଲେ। ଏବଂ ସେଠାରେ ସେମାନେ ତ୍ରୀରଙ୍ଗାର ପତାକାକୁ ଅସମ୍ମାନ କରିଥିଲେ। ତେବେ ଏ ନେଇ ଆଜି ମୋଦି ‘ମନ୍ କି ବାତ୍‌’ରେ କହିଥିଲେ। ଯାହାକୁ ନେଇ ପ୍ରତିକ୍ରିୟା ପ୍ରକାଶ କରିଛନ୍ତି ଚାଷୀ ନେତା ରାକେଶ ତିକୈତ।