ନୂଆ ବ୍ୟାଙ୍କିଂ ବିଲକୁ ସଂସଦରେ ମଞ୍ଜୁରୀ, ଜାଣନ୍ତୁ ଗ୍ରାହକଙ୍କ ଉପରେ କଣ ପଡ଼ିବ ପ୍ରଭାବ…

1 min read
Before Bank Strike SBI Advice Customer To Withdraw Cash Tomorrow

ନୂଆଦିଲ୍ଲୀ: ବ୍ୟାଙ୍କ ଗ୍ରାହକଙ୍କ ସ୍ୱାର୍ଥର ସୁରକ୍ଷା ସୁନିଶ୍ଚିତ କରିବାକୁ ବ୍ୟାଙ୍କିଂ ରେଗୁଲେସନ୍ ବିଲ୍ ଲୋକସଭା ପରେ ରାଜ୍ୟସଭାରେ ପାରିତ ହୋଇଛି । ଏବି ବିଲ୍ ଆଇନରେ ପରିଣତ ହେବେ ସମବାୟ ବ୍ୟାଙ୍କ ଆରବିଆଇ ସୁପରଭିଜନରେ କାର୍ଯ୍ୟ କରିବ । କେନ୍ଦ୍ର ସରକାରଙ୍କ କହିବା ଅନୁଯାୟୀ ନୂଆ ଆଇନରେ ସମବାୟ ବ୍ୟାଙ୍କ ରିଜର୍ଭ ବ୍ୟାଙ୍କ ଅଧିନରେ ରହିବେ । ଏହାଦ୍ୱାରା ଲୋକଙ୍କୁ ବ୍ୟାଙ୍କରେ ଜମା ଟଙ୍କାର ସୁରକ୍ଷା ହୋଇପାରିବ । ଦେଶରେ ସମବାୟ ବ୍ୟାଙ୍କ ଗୁଡ଼ିକର ଆର୍ଥିକ ସ୍ଥିତି ବିଗୁଡ଼ୁଥିବା ବେଳେ ଅନିୟମିତତା ମାମଲା ଆସୁଛି । ଏହାକୁ ଦେଖି କେନ୍ଦ୍ର ସରକାର ବ୍ୟାଙ୍କିଂ ରେଗୁଲେସନ୍ ଆକ୍ଚ, ୧୯୪୯ରେ ସଂଶୋଧନ ପାଇଁ ନିଷ୍ପତ୍ତି ନେଇଥିଲେ ।

Rajya Sabha Passed Banking Regulation Amendment Bill 2020 Co Operative Banks Under Reserve Bank Of India RBI

ଏବେ କଣ ହେବ ?

ଏହା ପୂର୍ବରୁ କେନ୍ଦ୍ର ସରକାର ସମବାୟ ବ୍ୟାଙ୍କକୁ ରିଜର୍ଭ ବ୍ୟାଙ୍କ ଅଧୀନକୁ ଆଣିବାକୁ ଜୁନରେ ଏକ ଅଧ୍ୟାଦେଶ ଜାରି କରିଥିଲେ । ଏବେ ନୂଆ ଆଇନ୍ ଏହି ଅଧ୍ୟାଦେଶର ସ୍ଥାନ ନେବ । ଏବେ ଦେଶରେ ୧, ୪୮୨ଟି ସହରାଞ୍ଚଳ ଓ ୮୫ଟି ମଲ୍ଟିଷ୍ଟେଟ ସମବାୟ ବ୍ୟାଙ୍କ ଆରବିଆଇ ଅଧୀନକୁ ଆସିବ । ଏହି ଆଇନ୍ ପ୍ରକାରେ ଆରବିଆଇ କ୍ଷମତା ଉପଯୋଗ କରି ବ୍ୟାଙ୍କର ପୁନର୍ଗଠନ ଓ ମିଶ୍ରଣ କରିପାରିବ ।

Rajya Sabha Passed Banking Regulation Amendment Bill 2020 Co Operative Banks Under Reserve Bank Of India RBI

ଏଥିପାଇଁ ବ୍ୟାଙ୍କିଂ ଟ୍ରାଞ୍ଜାକ୍ସନକୁ ମୋରେଟୋରିୟମରେ ରଖିବାକୁ ପଡ଼ିବ ନାହିଁ । ଏହା ବାଦ୍ ଯଦି ଆରବିଆଇ ବ୍ୟାଙ୍କ ଉପରେ ମୋରେଟୋରିୟମ୍ ଲାଗୁ କରେ ତାହାଲେ ସମବାୟ ବ୍ୟାଙ୍କ କୌଣସି ଲୋନ୍ ଦେଇପାରିବ ନାହିଁ । ଏପରିକି ଜମା ପୁଞ୍ଜିର ନିବେଶ କରିପାରିବ ନାହିଁ ।

ଜମାକର୍ତ୍ତାଙ୍କ ସ୍ୱାର୍ଥ ରକ୍ଷା ପାଇଁ ବ୍ୟାଙ୍କ କୌଣସି ବି ମଲ୍ଟିଷ୍ଟେଟ୍ କୋଅପରେଟିଭ୍ ବ୍ୟାଙ୍କ ନିର୍ଦ୍ଦେଶକ ବୋର୍ଡକୁ ଭାଙ୍ଗି ପାରିବ ଓ କ୍ଷମତା ନେଇପାରିବ । ଏତିକି ନୁହେଁ ଆରବିଆଇ ଚାହିଁଲେ ଏହି ନିୟମରେ କିଛି ରିହାତି ନୋଟିଫିକେସନ୍ ଜାରି କରିପାରିବ । ଏହା ଚାକିରି, ବୋର୍ଡ ନିର୍ଦ୍ଦେଶକଙ୍କ ଯୋଗ୍ୟତା ନିୟମ ଓ ଅଧ୍ୟକ୍ଷ ନିଯୁକ୍ତି ଭଳି କ୍ଷେତ୍ରରେ କରାଯାଇ ପାରିବ ।

୫ ଲକ୍ଷ ଟଙ୍କା ଯାଏଁ ଜମା ସୁରକ୍ଷିତ

Rajya Sabha Passed Banking Regulation Amendment Bill 2020 Co Operative Banks Under Reserve Bank Of India RBI

୧୯୪୯ ବ୍ୟାଙ୍କ ନିୟମରେ ସଂଶୋଧନ ଗ୍ରାହକଙ୍କ ସ୍ୱାର୍ଥରେ । ଏବେ ଯଦି କୌଣସି ବ୍ୟାଙ୍କ ଡୁବି ଯାଏ ତେବେ ବ୍ୟାଙ୍କରେ ଜମାଥିବା ୫ ଲକ୍ଷ ଯାଏଁ ଟଙ୍କା ଗ୍ରାହକଙ୍କୁ ମିଳିବ । ଅର୍ଥମନ୍ତ୍ରୀ ୨୦୨୦ ଫେବ୍ରୁଆରୀରେ ବଜେଟରେ ହିଁ ଏହାକୁ ୧ ଲକ୍ଷ ଟଙ୍କାରୁ ବଢ଼ାଇ ୫ ଲକ୍ଷ ଟଙ୍କା କରିଥିଲେ ।

ଏମିତିରେ କୌଣସି ବ୍ୟାଙ୍କ ବୁଡ଼ିଗଲେ ଅଥବା ଦେବାଳିଆ ହେଲେ ଗ୍ରାହକଙ୍କୁ ସର୍ବାଧିକ ୫ ଲକ୍ଷ ଟହ୍କା ମିଳିବ । ଆରବିଆଇର ସବସିଡାରୀ ଡିପୋଜିଟ ଇନନ୍ସୁରାନ୍ସ ଆଣ୍ଡ କ୍ରେଡିଟ୍ ଗ୍ୟାରେଣ୍ଟି କର୍ପୋରେସନ୍ ମୁତାବକ, ବୀମାର ଅର୍ଥ ହେଉଛି ଜମା ରାଶି ଯେତେ ହେଉନା କାହିଁକି ଗ୍ରାହକଙ୍କୁ ୫ ଲକ୍ଷ ଟଙ୍କା ହିଁ ମିଳିବ ।

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published. Required fields are marked *