ରଜତ ପାଟୀଦାର ବେଙ୍ଗାଲୁରୁର ନୂଆ ଅଧିନାୟକ ଘୋଷଣା

ଆଇପିଏଲ ୨୦୨୫ରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର କ୍ୟାପ୍ଟେନ କିଏ ହେବେ, ସେହି ଚର୍ଚ୍ଚା ଉପରୁ ପରଦା ହଟିଯାଇଛି । ବିରାଟ କୋହଲି ନା ଆଉ କିଏ ଅଧିନାୟକ ପଦ ସମ୍ଭାଳିବେ, ତା’ର ଜବାବ ଏବେ ଫ୍ୟାନ୍ସଙ୍କୁ ମିଳିସାରିଛି । ଆପିଏଲର ଆଗାମୀ ସିଜିନ ପାଇଁ ଆରସିବି ନୂଆ ଅଧିନାୟକଙ୍କ ନାମ ଘୋଷଣା କରିଛି । ଆଇପିଏଲ ୨୦୨୫ରେ ରଜତ ପାଟୀଦାର ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ନୂଆ ଅଧିନାୟକ ହେବେ । ରଜତ ଆରସିବିର ୮ମ ଅଧିନାୟକ ହେବେ । ଏହା ପୂବର୍ରୁ କେଭିନ ପିଟରସନ, ଅନିଲ କୁମ୍ବଲେ, ବିରାଟ କୋହଲି, ଶେନ ଓ୍ବାଟସନ, ଫାଫ ଡୁ ପ୍ଲେସିଙ୍କ ପରି ବଡ଼ ନାମ ଏହି ଟିମର ଦାୟିତ୍ବ ସମ୍ଭାଳିଥିଲେ ।

ରାହୁଲ ଦ୍ରାବିଡ଼, ଅନିଲ କୁମ୍ବଲେ, ବିରାଟ କୋହଲିଙ୍କ ପରେ ଆରସିବିର ପଦ ସମ୍ଭାଳିବାରେ ରଜତ ଚତୁର୍ଥ ଭାରତୀୟ ହେବେ । ରଜତଙ୍କୁ ଆରସିବିର ଅଧିନାୟକ ଘୋଷଣା କରାଯିବା ପରେ ବିରାଟ ତାଙ୍କୁ ଶୁଭକାମନା ଜଣାଇଛନ୍ତି । ରଜତ ଟି-୨୦ରେ ନିଜର ଘରୋଇ ଟିମ୍ ମଧ୍ୟପ୍ରଦେଶ ତରଫରୁ ୧୬ଟି ମ୍ୟାଚରେ ଅଧିନାୟକ ଦାୟିତ୍ବ ସମ୍ଭାଳିଥିବା ବେଳେ ସେଥୁରୁ ଦଳ ୧୨ଟିରେ ଜିତିଛି । ଅର୍ଥାତଙ୍କ ତାଙ୍କର ବିଜୟ ପ୍ରତିଶତ ୭୫ ପ୍ରତିଶତ ରହିଛି । ରଜତଙ୍କ ନେତୃତ୍ବରେ ମଧ୍ୟପ୍ରଦେଶ ସୟଦ ମୁସ୍ତାକ ଅଲୀ ଟ୍ରଫି ୨୦୨୪-୨୫ର ଫାଇନାଲରେ ପହଞ୍ଚିଥିଲା । ମଧ୍ୟପ୍ରଦେଶର ଏହି ସଫଳତାରେ ରଜତଙ୍କ ଅଧିନାୟକତ୍ବ ଓ ବ୍ୟାଟିଂର ବଡ଼ ଭୂମିକା ରହିଥିଲା । ଆଇପିଏଲରେ ଆରସିବି ବର୍ତ୍ତମାନ ସୁଦ୍ଧା ଗୋଟିଏ ଥର ବି ଟ୍ରଫି ଜିତିପାରିନାହିଁ । ଆରସିବି ୧୭ଟି ସିଜିନରୁ ୯ ଥର ପ୍ଲେଅଫରେ ଓ ୩ ଥର ଫାଇନାଲରେ ପହଞ୍ଚିଥିଲା । ମାତ୍ର ଚାମ୍ପିୟନ ହୋଇପାରିନଥିଲା । ୨୦୦୯, ୨୦୧୧ ଓ ୨୦୧୬ରେ ବେଙ୍ଗାଲୁର ଫାଇନାଲ ଖେଳିଥିଲା ।