ଭାରସ୍ୟମ ହରାଇ ଓଲଟିଲା ସ୍କୁଲ ବସ୍, ୩ ଛାତ୍ର ମୃତ

ନନ୍ଦିଘୋଷ ବ୍ୟୁରୋ: ରାଜସ୍ଥାନର ପାଲି ଅଞ୍ଚଳରେ ସଡକ ଦୁର୍ଘଟଣା । ଏକ ସ୍କୁଲ ବସ୍ ଓଲଟି ତିନିଜଣ ଛାତ୍ରଙ୍କ ମୃତ୍ୟୁ ହୋଇଛି। ଭାରସ୍ୟମ ହରାଇ ସ୍କୁଲ ବସଟି ଓଲଟି ପଡିଥିଲା। ସ୍କୁଲ ବସରେ ଛାତ୍ରଛାତ୍ରୀମାନେ ପିକନିକ୍ କରିବାକୁ ଯାଉଥିବା ବେଳେ ଏହି ଦୁର୍ଘଟଣା ଘଟିଛି ।

ବସଟି ଓଲଟି ପଡିବାରୁ ଛାତ୍ରଛାତ୍ରୀମାନେ ଚିତ୍କାର କରିଥିଲେ। ଚିତ୍କାର ଶୁଣି ସ୍ଥାନୀୟ ଲୋକ ଘଟଣାସ୍ଥଳରେ ପହଞ୍ଚି ଛାତ୍ରଛାତ୍ରୀମାନଙ୍କୁ ବସ ଭିତରୁ ବାହାର କରିଥିଲେ । ଏହାପରେ ପୋଲିସକୁ ଖବର ଦେଇଥିଲେ। ଆହାତ ଛାତ୍ରଛାତ୍ରୀମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ସ୍ଥାନୀୟ ପ୍ରଶାସନ ଓ ପୋଲିସ ଘଟଣାର ତଦନ୍ତ ଆରମ୍ଭ କରିଛନ୍ତି ।