ଆଜି ରାଜସ୍ଥାନକୁ ଭେଟିବ ପଞ୍ଜାବ, ନର୍ଥ ଇଷ୍ଟରେ ଖେଳାଯିବ ପ୍ରଥମ ମ୍ୟାଚ୍

ଗୌହାଟୀ: ଆଜି ଆଇପିଏଲର ଅଷ୍ଟମ ମ୍ୟାଚରେ ମୁହାଁମୁହିଁ ହେବେ ରାଜସ୍ଥାନ ରୟାଲ୍ସ ଓ ପଞ୍ଜାବ କିଙ୍ଗ୍ସ । ଏହି ମ୍ୟାଚ୍ ଆଜି ଗୌହାଟୀସ୍ଥିତ ବର୍ଷାପଡ଼ା ଷ୍ଟାଡିୟମରେ ଏହି ମ୍ୟାଚ୍ ଖେଳାଯିବ । ଉଭୟ ଦଳ ନିଜ ନିଜର ପ୍ରଥମ ମ୍ୟାଚ୍ ଜିତିଛନ୍ତି । ଆଜିର ମ୍ୟାଚରେ ଉଭୟ ଦଳରେ ବହୁ ଦମଦାର ବ୍ୟାଟ୍ସମ୍ୟାନ ରହିଛିନ୍ତି । ତେଣୁ ଆଜିର ମ୍ୟାଚ ହାଇସ୍କୋରିଂ ହେବ ବୋଲି ଅନୁମାନ କରାଯାଉଛି ।

ରାଜସ୍ଥାନ ରୟାଲ୍ସ ପ୍ରଥମ ମ୍ୟାଚରେ ସନରାଇଜର୍ସ ହାଇଦ୍ରାବାଦକୁ ଭେଟିଥିଲା । ଏହି ମ୍ୟାଚକୁ ରାଜସ୍ଥାନ ୭୨ ରନରେ ଜିତିଥିଲା । ରୟାଲ୍ସ ବ୍ୟାଟ୍ସମ୍ୟାନଙ୍କୁ ଅଟକାଇବା ପାଇଁ ସ୍ୱତନ୍ତ୍ର ରଣନୀତି ପ୍ରସ୍ତୁତ କରିଛି ପଞ୍ଜାବ କିଙ୍ଗ୍ସ । ପଞ୍ଜାବ କିଙ୍ଗ୍ସ ଦଳକୁ କଗିସୋ ରାବଡା ଫେରିଥିବାରୁ ପଞ୍ଜାବ ଦଳର ବୋଲିଂ ଲାଇନ ଅଫ ବେଶ୍‌ ସୁଦୃଢ଼ ହୋଇଛି । କିନ୍ତୁ ପ୍ରଥମ ମ୍ୟାଚ ପରି ଆଜିର ମ୍ୟାଚରେ ମଧ୍ୟ ପଞ୍ଜାବ ଲିଭିଙ୍ଗଷ୍ଟୋନଙ୍କ ବିନା ପଡ଼ିଆକୁ ଓହ୍ଲାଇବ । ଅନ୍ୟପକ୍ଷରେ ଗୌହାଟୀ ବର୍ଷାପଡ଼ା ଗ୍ରାଉଣ୍ଡର ପିଚ୍ ମଧ୍ୟ ବ୍ୟାଟ୍ସମ୍ୟାନଙ୍କୁ ବେଶ୍‌ ସହାୟତା କରିବ ।