କଥା ରଖିଲେ ମନ୍ତ୍ରୀ, ଦଳର ପରାଜୟ ପରେ ଦେଲେ ଇସ୍ତଫା

ଜୟପୁର: ଇସ୍ତଫା ଦେଲେ ରାଜସ୍ଥାନ ମନ୍ତ୍ରୀ କିରୋଡିଲାଲ ମୀନା । ନିର୍ବାଚନ ପୂର୍ବରୁ ନିଜେ ଦେଇଥିବା କଥାକୁ ପାଳନ କରିଛନ୍ତି ରାଜ୍ଯ କୃଷି ଓ ଗ୍ରାମୀଣ ବିକାଶ ମନ୍ତ୍ରୀ କିରୋଡିଲାଲ । ଜୟପୁରରେ ଆୟୋଜିକ ଏକ ପ୍ରାର୍ଥନା ସଭାରେ ସେ ମନ୍ତ୍ରୀ ପଦରୁ ଇସ୍ତଫା ଦେବା ଘୋଷଣା କରିଛନ୍ତି ।

ରାଜ୍ଯ କ୍ଯାବିନେଟ ସମେତ ଅନ୍ଯାନ୍ଯ ପଦ ପଦବୀରୁ ସେ ଇସ୍ତଫା ଦେଇଛନ୍ତି । ସାଧାରଣ ନିର୍ବାଚନ ପୂର୍ବରୁ ସେ କହିଥିଲେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କୁ ପୂର୍ବ ରାଜସ୍ଥାନର ୭ଟି ଲୋକସଭା ଆସନର ଦାୟିତ୍ବ ଦେଇଥିବାବେଳେ ଯଦି ସେହି ୭ଟି ମଧ୍ଯରୁ କୌଣସି ଗୋଟିଏରେ ବିଜେପିର ପରାଜୟ ହୁଏ ତେବେ ସେ ମନ୍ତ୍ରୀ ପଦ ଛାଡି ଦେବେ । ତାଙ୍କର ବିଧାନସଭା କ୍ଷେତ୍ର ଆସୁଥିବା ଡାଉସା ଲୋକସଭା ଆସନରେ କଂଗ୍ରେସର ମୁରାରି ମୀନା ବିଜେପିର କହ୍ନେୟା ଲାଲ ମୀନାଙ୍କୁ ୨ ଲକ୍ଷ ୩୦ ହଜାର ଭୋଟରେ ପରାସ୍ତ କରିଥିଲେ । ଏହାପରେ କିରୋଡିଲାଲ ତାଙ୍କ କଥା ରଖି ମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି ।