ରାଇମୋହନଙ୍କ ଆତ୍ମହତ୍ୟା ମାମଲା: ୟୁଡି କେସ୍ ରୁଜୁ କରି ତଦନ୍ତ କରୁଛି ପୋଲିସ୍

ଭୁବନେଶ୍ୱର: ବରିଷ୍ଠ ଅଭିନେତା ରାଇମୋହନ ପରିଡ଼ାଙ୍କ ଆତ୍ମହତ୍ୟା ମାମଲା । ୟୁଡ଼ି କେସ ରୁଜୁ କରି ତଦନ୍ତ କରୁଛି ପୋଲିସ । ପ୍ରାଥମିକ ତଦନ୍ତରୁ ଏହା ଆତ୍ମହତ୍ୟା ବୋଲି ସ୍ପଷ୍ଟ ହୋଇଛି । ଏହି ମାମଲାରେ ପରିବାର ଲୋକଙ୍କୁ ମଧ୍ୟ ପଚରାଉଚରା କରାଯାଇଛି । ସିଡିଆର ଯାଞ୍ଚ ଚାଲିଛି, କାହା ସହ କଥା ହୋଇଛନ୍ତି ତାହା ଜଣାପଡ଼ିବ । ତେବେ ଆତ୍ମହତ୍ୟା ପୂର୍ବରୁ ପତ୍ନୀ ଓ ଦୁଇ ଝିଅକୁ ବାଏ ମେସେଜ ଲେଖିଥିଲେ ରାଇମୋହନ । ରାଇମୋହନ ଆତ୍ମହତ୍ୟା ମାମଲାରେ ପଡ଼ୋଶୀଙ୍କୁ ମଧ୍ୟ ପଚରାଉଚରା କରିବ ପୋଲିସ ।

ସେହିପରି ହତ୍ୟା ଆଙ୍ଗଲକୁ ନେଇ ମଧ୍ୟ ତଦନ୍ତ ଚାଲିଛି ବୋଲି ସୂଚନା ଦେଇଛନ୍ତି ଭୁବନେଶ୍ୱର ଜୋନ-୫ ଏସିପି ଦାୟିତ୍ବରେ ଥିବା ହିମାଂଶୁ ସ୍ବାଇଁ । ମୃତ୍ୟୁ ପୂର୍ବରୁ ପାରିବାରିକ ଝଗଡା ଥିଲା । ଘଟଣା ଦିନ ଘରେ ଏକୁଟିଆ ଥିଲେ ରାଇମୋହନ । ସକାଳ ସାଢ଼େ ୧୦ଟାରେ ଡ୍ରାଇଭର ଅଶୋକର ବାହାଘର ପାଇଁ ପତ୍ନୀ ଓ ବଡ଼ ଝିଅ କଟକ ଯାଇଥିଲେ । ୧୧ଟା ୫୭ରେ ପତ୍ନୀଙ୍କୁ ଶେଷ କଲ୍ କରିଥିଲେ ରାଇମୋହନ । ୧୨ଟା ପରେ ହିଁ ଆତ୍ମହତ୍ୟା କରିଥିଲେ ରାଇମୋହନ । ଦିନ ୧୨ଟା ୩୦ରେ ପ୍ରଥମେ ପୁତୁରା ଆସିଥିଲେ । ୧୨ଟା ୪୫ରେ ପତ୍ନୀ ଓ ବଡ଼ ଝିଅ ପହଞ୍ଚି ଥିଲେ । ମେ ୩୦ରେ ପରିବାର ମଧ୍ୟରେ ଝଗଡ଼ା ହୋଇଥିଲା । ସପ୍ତାହ ତଳେ କୌଣସି କଥାକୁ ନେଇ ପରିବାର ଲୋକଙ୍କ ସହ ରାଇମୋହନ ଥାନାକୁ ଆସିଥିଲେ ବୋଲି ପୋଲିସ କହିଛି ।