ସମ୍ବଲପୁର ଧନୁପାଲିରେ ଥିବା ଥଇଥାନ କେନ୍ଦ୍ର ‘ସମର୍ଥ’ରେ ଥାର୍ଡ ଡିଗ୍ରୀ, ପଶିଲା ପୋଲିସ
1 min read
ସମ୍ବଲପୁର: ମାନସିକ ଅନଗ୍ରସଙ୍କୁ ଉତ୍ତମ ସେବା ଯୋଗାଇ ଦେବାକୁ ଥଇଥାନ କେନ୍ଦ୍ରରେ ରଖାଯାଇଛି । ହେଲେ କେନ୍ଦ୍ର ପରିଚାଳକ ସେମାନଙ୍କୁ ଦେଉଛନ୍ତି ନିର୍ଯାତନା । ଅକଥନୀୟ ଅତ୍ୟାଚାର ସାଙ୍ଗଙ୍କୁ ମାଡ଼ ମରାଯାଉଥିବା ଅଭିଯୋଗ । ବାସି ଖାଦ୍ୟ ଦିଆଯାଉଥିବା ବେଳେ ଚିକିତ୍ସା ବି ଠିକରେ ଦିଆଯାଉ ନଥିବା ଅଭିଯୋଗ । ଏପରିକି ନିର୍ଯାତନା ସହି ନପାରି ୫ ଜଣଙ୍କ ମୃତ୍ୟୁ ଘଟିଥିବା ଅଭିଯୋଗ ହୋଇଛି । ଏମିତି ଅଭିଯୋଗ ଅସିଛି ସମ୍ବଲପୁର ଜିଲ୍ଲା ଧନୁପାଲି ଥାନା ନେତାଜୀ ନଗରରେ ଥିବା ମାନସିକ ଥଇଥାନ କେନ୍ଦ୍ର ‘ସମର୍ଥ’କୁ ନେଇ ।
କେନ୍ଦ୍ରରେ ଥିବା ଅନ୍ତେବାସୀଙ୍କୁ ନିର୍ମମ ଭାବେ ମାଡ଼ ମରାଯାଉଥିବା ବେଳେ ପାଶବିକ ଅତ୍ୟାଚାର କରାଯାଉଥିବା ଅଭିଯୋଗ ହୋଇଥିଲା । ଏହାପରେ ରେଙ୍ଗାଲି ବିଧାୟକଙ୍କ ଉପସ୍ଥିତିରେ ଚଢ଼ାଉ କରିଥିଲା ।
ଅଭିଯୋଗ ଅନୁସାରେ, କେନ୍ଦ୍ରରେ ଦିଆଯାଉଥିବାର ନିର୍ଯାତନାର ଭିଜୁଆଲ ସାମ୍ନାକୁ ଆସିଛି । ମାଡ଼ରେ କିଏ ତଳେ ପଡିଛି ତ କିଏ ଠିଆ ହୋଇଛି । ହେଲେ କିଛି ମାନୁ ନାହାନ୍ତି ସମର୍ଥର ଥଇଥାନ କେନ୍ଦ୍ରରେ ସମ୍ପାଦକ ହରିଶ ଚନ୍ଦ୍ର ସାହୁ ଏବଂ ସହାୟିକା ଏଏନମ । ମୁଥ, ଗୋଇଠା, ବାଡ଼ିରେ ନିର୍ଧୁମ ପିଟି ଚାଲିଛନ୍ତି । ଲୋକଙ୍କୁ ବାସି ଖାଦ୍ୟ ଖାଇବାକୁ ଦିଆଯାଉଛି ।
ଏପରିକି ମହିଳା ଓ ପୁରୁଷ ଅନ୍ତେବାସୀଙ୍କୁ ଗୋଟିଏ ଜାଗାରେ ଗାଧୋଇ ଦେବାର ଭିଜୁଆଲ ମଧ୍ୟ ମୋବାଇଲରେ କଏଦ ହୋଇଛି । ଖାଲି ସେତିକି ନୁହେଁ, ପ୍ରତିଦିନ ମାତ୍ରାଧିକ ନିଶା ଡୋଜ ଦେବାରୁ ତିନି ଦିନ ଧରି ଅନ୍ତେବାସୀ ଅଚେତ ହୋଇ ରହୁଥିବା ଅଭିଯୋଗ ହୋଇଛି । ଘରକୁ ଯିବାକୁ ଚାହୁଁଥିଲେ ମଧ୍ୟ ମାଡ଼ ମାରି ଅଚେତ କରି ପକେଇ ଦେଉଥିଲେ ପରିଚାଳକ l ନିର୍ଯାତନା ଯୋଗୁଁ ୫ ଜଣଙ୍କ ମୃତ୍ୟୁ ହୋଇଥିବା ଅନ୍ତେବାସୀ ଅଭିଯୋଗ କରିଛନ୍ତି ।
