ହାଥରସ୍ ଲଜ୍ଜା: ପୀଡ଼ିତାଙ୍କ ପରିବାର ଲୋକଙ୍କୁ ଭେଟିଲେ ରାହୁଲ, ପ୍ରିୟଙ୍କା
1 min read
ଲକ୍ଷ୍ମୌ: ବହୁ ସଂଘର୍ଷ ପରେ ହାଥରସରେ ପହଞ୍ଚିଲେ କଂଗ୍ରେସ ସାଂସଦ ତଥା ଦଳର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ । ତାଙ୍କ ସହ ଭଉଣୀ ତଥା ଦଳର ମହାସଚିବ ପ୍ରିୟଙ୍କା ଗାନ୍ଧୀ ମଧ୍ୟ ପୀଡ଼ିତାଙ୍କ ପରିବାରଙ୍କୁ ସାକ୍ଷାତ କରିଛନ୍ତି । ସେମାନଙ୍କ ସହିତ କଂଗ୍ରେସର ଅନ୍ୟ ୩ ସଦସ୍ୟ ମଧ୍ୟ ପୀଡ଼ିତାଙ୍କ ପରିବାର ଲୋକଙ୍କୁ ସାକ୍ଷାତ କରିଛନ୍ତି । ଦୀର୍ଘ ୧୬୫ କିଲୋମିଟରର ଯାତ୍ରା ପରେ ସନ୍ଧ୍ୟା ୭ଟା ୧୨ ମିନିଟରେ ହଥରାସରେ ପହଞ୍ଚିଥିଲେ ରାହୁଲ ଗାନ୍ଧୀ । ଏବଂ ରାତି ସାଢ଼େ ୮ ଯାଏଁ ପରିବାର ସଦସ୍ୟଙ୍କ ସହ ଆଲୋଚନା କରିଥିଲେ ।
ଆଲୋଚନା ବେଳେ ପରିବାର ସଦସ୍ୟମାନେ କେଉଁ କେଉଁ ସବୁ ଅସୁବିଧାର ସମ୍ମୁଖିନ ହୋଇଛନ୍ତି ସେ ନେଇ ପଚାରିବୁଝିଥିଲେ । ଏଥିସହିତ ଆର୍ଥିକ ସହାୟତା ମଧ୍ୟ ପୀଡ଼ିତାଙ୍କ ପରିବାରବର୍ଗଙ୍କୁ ଦେଇଥିବା ପରିବାର ଲୋକଙ୍କ ପକ୍ଷରୁ କୁହାଯାଇଛି । ଏଥିସହିତ ତବରବରିଆ ଭାବେ ଝିଅକୁ କାହିଁକି ପେଟ୍ରୋଲ ଢ଼ାଳି ଅନ୍ତିମ ସଂସ୍କାର କରାଗଲା, କାହିଁକି ଝିଅର ମୁହଁ ମଧ୍ୟ ଦେଖିବାକୁ ପରିବାର ଲୋକଙ୍କୁ ଅନୁମତି ଦିଆଗଲା ନାହିଁ ଏ ନେଇ ପ୍ରଶ୍ନ ପଚାରିଛନ୍ତି । ଏଥିସହିତ ଘଟଣା ଦିନ ଜିଲ୍ଲାପାଳ ମଧ୍ୟ ତାଙ୍କ ସହ ଦୁର୍ବ୍ୟବହାର କରିଥିବା ଅଭିଯୋଗ କରିଛନ୍ତି ପୀଡ଼ିତାଙ୍କ ପରିବାର ଲୋକେ ।
