ରାହୁଲ ଗାନ୍ଧୀ କହିଲେ, କେବେ ହେବ ତାଙ୍କ ବିବାହ ..

ନନ୍ଦିଘୋଷ ବ୍ୟୁରୋ: କିଛିଦିନ ଧରି ରାହୁଲ ଗାନ୍ଧୀଙ୍କ ବିବାହକୁ ନେଇ ଚର୍ଚ୍ଚା ଜୋର ଧରିଥିବା ବେଳେ ନିଜ ବିବାହ ନେଇ ମୁହଁ ଖୋଲିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । କେବେ ବିବାହ କରିବେ କହିଛନ୍ତି ରାହୁଲ । ଜମ୍ମୁକଶ୍ମୀର ଗସ୍ତ ସମୟରେ କଶ୍ମୀରୀ ଛାତ୍ରଛାତ୍ରୀମାନଙ୍କ ସହ ଆଲୋଚନା ସମୟରେ ନିଜ ବିବାହ ସମେତ ପ୍ରଧାନମନ୍ତ୍ରୀଙ୍କ ବିଷୟରେ କିଛି ଏଭଳି କହିଛନ୍ତି ରାହୁଲ।

ନିଜ ବିବାହକୁ ନେଇ ରାହୁଲ ଗାନ୍ଧୀ କହିଛନ୍ତି ଯେ ତାଙ୍କର ବିବାହ କରିବାର କୌଣସି ଯୋଜନା ନାହିଁ, କିନ୍ତୁ ଯଦି ବିବାହ ହୁଏ ତେବେ ଠିକ୍ ଅଛି। ଶ୍ରୀନଗରର କାଶ୍ମୀରୀ ଛାତ୍ରୀମାନଙ୍କ ସହ କଥାବାର୍ତ୍ତା ବେଳେ ରାହୁଲ ଗାନ୍ଧୀ ଏହା ମଧ୍ୟ କହିଛନ୍ତି ଯେ ଗତ ୨୦ ରୁ ୩୦ ବର୍ଷ ମଧ୍ୟରେ ସେ ବିବାହର ଚାପରୁ ବାହାରି ଆସିଛନ୍ତି। ଗତ ସପ୍ତାହରେ ଯେତେବେଳେ କଂଗ୍ରେସ ସାଂସଦ ଜାମ୍ମୁ କାଶ୍ମୀର ଗସ୍ତରେ ଆସିଥିଲେ, ସେତେବେଳେ ସେ ଏହି ବାଳିକାମାନଙ୍କ ସାମ୍ନାରେ ବିଭିନ୍ନ ପ୍ରସଙ୍ଗରେ ନିଜର ମତ ରଖିଥିଲେ।

ସେ ସୋମବାର ନିଜ ୟୁଟ୍ୟୁବ ଚ୍ୟାନେଲରେ କାଶ୍ମୀରୀ ବାଳିକା ଛାତ୍ରଙ୍କ ସହ ଏହି ବାର୍ତ୍ତାଳାପର ଭିଡିଓ ମଧ୍ୟ  ଅପଲୋଡ୍ କରିଛନ୍ତି। ଏଥିରେ ସେ ଝିଅମାନଙ୍କ ସହିତ କଣ କଣ ଆଲୋଚନା କରିଛନ୍ତି ତାହା ଉଲ୍ଲେଖ ଅଛି । ଛାତ୍ରୀମାନେ ତାଙ୍କୁ ତାଙ୍କ ବିବାହ ଯୋଜନା ବିଷୟରେ ପଚାରିଥିଲେ ସେ ଏହାର ଉତ୍ତର ରଖି ଯଦି କେବେ ତାଙ୍କର ବିବାହ ହୁଏ ତାହେଲେ ସେ ନିଶ୍ଚିତ ସେ  ଝିଅମାନଙ୍କୁ ତାଙ୍କ ବିବାହକୁ ନିମନ୍ତ୍ରଣ କରିବେବୋଲି କହିଛନ୍ତି ।

ତାଙ୍କୁ ପ୍ରଧାନମନ୍ତ୍ରୀ ସହିତ ଥିବା ସମ୍ପର୍କକୁ ନେଇ ପଚାରିବା ପରେ ସେ କହିଛନ୍ତି ତାଙ୍କ ସହିତ ବ୍ୟକ୍ତିଗତ ଭାବରେ କୌଣସି ଶତ୍ରୃତା ନାହିଁ କିନ୍ତୁ ପ୍ରଧାନମନ୍ତ୍ରୀଙ୍କ ସହିତ ମୋର ଗୋଟିଏ ସମସ୍ୟାଯେ, ସେ କାହାରି କଥା ଶୁଣନ୍ତି ନାହିଁ । ମୋତେ ଏଭଳି ଲୋକ ପସନ୍ଦ ନୁହେଁ ଯିଏ ଆରମ୍ଭରୁ ମାନିନିଏ କି ସେ ସମ୍ପୂର୍ଣ୍ଣ ଠିକ୍ । ଏବଂ ଯଦି ତାଙ୍କୁ କିଏ ଭୁଲ ବା ଠିକ ଦେଖାଏ ସେ ତାହା ମଧ୍ୟ ସ୍ବୀକାର କରିନଥାନ୍ତି । ଏବଂ ଏହିଭଳି ବ୍ୟକ୍ତି ସବୁବେଳେ ସମସ୍ୟା ସୃଷ୍ଟି କରିଥାଆନ୍ତି । ତାଙ୍କ କହିବାନୁଯାୟୀ ଏଭଳି ପ୍ରକୃତି ନିଜର ଦୁର୍ବଳତା ଏବଂ ଭୟରୁ ଆସିଥାଏ ।

ରାହୁଲ ଗାନ୍ଧୀ ଆଗାମୀ ବିଧାନସଭା ପାଇଁ ଛାତ୍ରଛାତ୍ରୀଙ୍କ ସହ ଆଲୋଚନା କରି କହିଛନ୍ତିକି ଏହା ଭାରତ ଇତିହାସରେ ପ୍ରଥମ କି ଗୋଟେ ପ୍ରଦେଶରୁ ତାର ପୂର୍ଣ୍ଣ କ୍ଷମତ ଛଡାଇନେବା । ଯେଉଁଭଳି ଭାବରେ ଏହା କରାଗଲା ତାହା ଆମକୁ ପସନ୍ଦ ଆସିଲାନି । କିନ୍ତୁ ବର୍ତ୍ତମାନ ଆମର ଗୋଟିଏ ଲକ୍ଷ୍ୟ କେମିତି ଜମ୍ମୁକଶ୍ମୀର ନିଜର ପୂର୍ଣ୍ଣ କ୍ଷମତା ଫେରି ପାଇବ। ଏବଂ ଜାମ୍ମୁ କାଶ୍ମୀରର ସମ୍ପୂର୍ଣ୍ଣ ରାଜ୍ୟର ପୁନରୁଦ୍ଧାର ପାଇଁ ଦାବି ଉଠାଇ କହିଛନ୍ତି ଯେ ଦିଲ୍ଲୀରୁ ଏହି କେନ୍ଦ୍ରଶାସିତ ଅଞ୍ଚଳକୁ ଚଳାଇବାରେ କୌଣସି ଅର୍ଥ ନାହିଁ ।